ഉത്തര്‍പ്രദേശ്: പൊലീസ് കോണ്‍സ്റ്റബിള്‍ പരീക്ഷയ്ക്ക് അപേക്ഷിച്ച് ബോളിവുഡ് താരം സണ്ണി ലിയോണ്‍! താരത്തിന്റെ അപേക്ഷ റിക്രൂട്ട്‌മെന്റ് ബോര്‍ഡ് അംഗീകരിക്കുകയും ചെയ്തു! സംഗതി സത്യമായ കാര്യമാണ്. തെളിവുകള്‍ പുറത്തു വന്നിട്ടുമുണ്ട്. പക്ഷേ, യഥാര്‍ത്ഥ സണ്ണി ലിയോണ്‍ ഇതൊന്നും അറിഞ്ഞിട്ടില്ലെന്നു മാത്രം! സോഷ്യല്‍ മീഡിയായില്‍ ഇപ്പോള്‍ വൈറലാണ് സണ്ണി ലിയോണിന് ലഭിച്ചിരിക്കുന്ന അഡ്മിറ്റ് കാര്‍ഡ്.
അഡ്മിറ്റ് കാര്‍ഡില്‍ അനുവദിച്ചിട്ടുള്ള പരീക്ഷാ കേന്ദ്രം കനൗജിലെ തിരവയിലുള്ള ശ്രീമതി സോനശ്രീ മെമ്മോറിയല്‍ ഗേള്‍സ് കോളേജായിരുന്നു. ഫെബ്രുവരി 17ന് നടന്ന പരീക്ഷയുടെ അഡ്മിറ്റ് കാര്‍ഡാണ് ഇപ്പോള്‍ പുറത്ത് വന്നിട്ടുള്ളത്. രജിസ്‌ട്രേഷന്‍ സമയത്ത് ഉപയോഗിച്ച മൊബൈല്‍ നമ്പര്‍ യുപിയിലെ മഹോബയില്‍ താമസിക്കുന്നയാളുടേതാണ്. രജിസ്‌ട്രേഷന്‍ ഫോമില്‍ നല്‍കിയിരിക്കുന്ന വിലാസം മുംബൈയിലാണ്. എന്നാല്‍, പരീക്ഷാ ദിവസം ഒരു ഉദ്യോഗാര്‍ത്ഥിയും പ്രത്യേക അഡ്മിറ്റ് കാര്‍ഡുമായി ഹാജരായില്ലെന്ന് കോളേജ് അഡ്മിനിസ്‌ട്രേഷന്‍ അറിയിച്ചു.
Sunny Leone applied for UP police constable examination….😅😅 pic.twitter.com/YuxYMzGjwt
— Simple man (@ArbazAh87590755) February 17, 2024
അതേസമയം, അഡ്മിറ്റ് കാര്‍ഡ് വ്യാജമാണെന്നും ഉദ്യോഗാര്‍ത്ഥി രജിസ്‌ട്രേഷന്‍ പ്രക്രിയയില്‍ നടിയുടെ ഫോട്ടോ അപ്‌ലോഡ് ചെയ്തതാണെന്നുമാണ് പൊലീസ് പറയുന്നത്. പോലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: