തിരുവനന്തപുരം : സംസ്ഥാനത്ത് താപനില ഉയരുമെന്ന് കാലാവസ്ഥാ നിരീക്ഷണ കേന്ദ്രം. ആറ് ജില്ലകളില് മഞ്ഞ ജാഗ്രത പുറപ്പെടുവിച്ചിട്ടുണ്ട്.
ആലപ്പുഴ, കോട്ടയം, തൃശൂര്, കോഴിക്കോട് ജില്ലകളില് ഉയര്ന്ന താപനില 37 ഡിഗ്രി സെല്ഷ്യസ് വരെ ഉയര്ന്നേക്കുമെന്ന് മുന്നറിയിപ്പുണ്ട്. എറണാകുളം, കണ്ണൂര് ജില്ലകളില് ഉയര്ന്ന താപനില 36 ഡിഗ്രി വരെ ഉയരും.
രണ്ട് മുതല് നാല് ഡിഗ്രി വരെ ചൂട് കൂടും. ഈ സാഹചര്യത്തില് സൂര്യാഘാതത്തിനുളള സാധ്യതയുളളതിനാല് ജോലി സമയം സംസ്ഥാനത്ത് പുനഃക്രമീകരിച്ചു.
വെയിലില് ജോലി ചെയ്യുന്ന തൊഴിലാളികളുടെ സമയം ഏപ്രില് 30വരെയാണ് പുനഃക്രമീകരിച്ചിരിക്കുന്നത്. രാവിലെ ഏഴു മുതല് വൈകിട്ട് ഏഴു വരെ ജോലി സമയം എട്ട് മണിക്കൂറായി നിജപ്പെടുത്തി.
പകല് ജോലി ചെയ്യുന്നവര്ക്ക് ഉച്ചയ്ക്ക് 12 മുതല് വൈകിട്ട് മൂന്ന് വരെ വിശ്രമം നല്കണം. ഷിഫ്റ്റ് വ്യവസ്ഥയിലുള്ളവര്ക്ക് ഉച്ചയ്ക്ക് 12 ന് ഷിഫ്റ്റ് അവസാനിച്ച് മൂന്ന് മണിക്ക് പുനഃരാരംഭിക്കുന്ന തരത്തിലാണ് ക്രമീകരണം.
