ബെര്ലിന് ഫിലിം ഫെസ്റ്റിവലില് നടക്കുന്ന ‘പുഷ്പ: ദ റൈസ്’ പ്രത്യേക പ്രദര്ശനത്തില് പങ്കെടുത്ത് അല്ലു അര്ജുന് . ആഗോള തലത്തിലുള്ള സംവിധായകര്, നിര്മ്മാതാക്കള്, മാര്ക്കറ്റ് ബയര്മാര് തുടങ്ങിയവരുമായി അദ്ദേഹം സന്ദര്ശനവേളയില് സമയം ചെലവഴിക്കും. കൂടാതെ ചിത്രത്തിന്റെ പ്രദര്ശനത്തിനു ശേഷം അന്താരാഷ്ട്ര മാധ്യമങ്ങളോടും അദ്ദേഹം സംസാരിക്കും.
പുഷ്പ ഫ്രാഞ്ചൈസിയിലെ ആദ്യ ചിത്രമായ ‘പുഷ്പ: ദ റൈസ്’ പുറത്തിറങ്ങിയതോടെതന്നെ റഷ്യ, യുഎസ്എ, ഗള്ഫ്, ഓസ്ട്രേലിയ, ജപ്പാന്, യുകെ തുടങ്ങിയ സ്ഥലങ്ങളില് പുഷ്പയുടെ പ്രശസ്തി ഏറെ വര്ദ്ധിച്ചിരുന്നു. ബെര്ലിനേലിലെ താരത്തിന്റെ സാന്നിദ്ധ്യം അന്താരാഷ്ട്രതലത്തില് പുഷ്പയുടെ പ്രശസ്തി ഇനിയും വര്ദ്ധിപ്പിക്കും എന്നുറപ്പാണ്. പുഷ്പ ഫ്രാഞ്ചൈസിയിലെ രണ്ടാമത്തെ ചിത്രമായ ‘പുഷ്പ 2: ദ റൂള്’ ആണ് അല്ലു അര്ജുന്റെ പുറത്തിറങ്ങാനിരിക്കുന്ന അടുത്ത ചിത്രം. 2024 ഓഗസ്റ്റ് 15നു സ്വാതന്ത്ര്യദിനത്തോടനുബന്ധിച്ചാണ് പുഷ്പ 2 തീയറ്ററുകളിലെത്തുക.
മലയാളി നടന് ഫഹദ് ഫാസിലും പുഷ്പയിലൂടെ പാന്ഇന്ത്യന് തലത്തില് ശ്രദ്ധിക്കപ്പെട്ടിരുന്നു. എല്ലാ അര്ത്ഥത്തിലും ബ്ലോക്ക്ബസ്റ്റര് എന്ന വിശേഷനത്തെ സാധൂകരിക്കുന്നതുപോലെ അല്ലു അര്ജുന് ആ വര്ഷത്തെ മികച്ച നടനുള്ള ദേശീയ അവാര്ഡും നേടിക്കൊടുത്തിരുന്നു ചിത്രം. രണ്ടാം ഭാഗത്തില് എന്തുസംഭവിക്കും എന്ന ആകാംക്ഷയുടെ മുള്മുനയില് പ്രേക്ഷകരെ കൊണ്ടെത്തിച്ചുകൊണ്ടവസാനിക്കുന്ന പുഷ്പയുടെ രണ്ടാം ഭാഗത്തിനായി പ്രേക്ഷകര് ഏറെ പ്രതീക്ഷയോടെ കാത്തിരിക്കുകയാണ്.
