തിരുവനന്തപുരം: കല്ലമ്പലം ആഴംകോണത്ത് വന്‍ കഞ്ചാവ് വേട്ട. കാറില്‍ കടത്താന്‍ ശ്രമിച്ച കഞ്ചാവുമായി തമിഴ്‌നാട് സ്വദേശിയെ അറസ്റ്റ് ചെയ്തു. തമിഴ്‌നാട് സ്വദേശി ശങ്കറിനെയാണ് അറസ്റ്റ് ചെയ്തത്. ഇയാളില്‍ നിന്നും 80 കിലോയോളം തൂക്കം വരുന്ന കഞ്ചാവ് പായ്‌ക്കറ്റ് കണ്ടെടുത്തതായി എക്‌സൈസ് അറിയിച്ചു.
കാറില്‍ രണ്ട് പേരായിരുന്നു ഉണ്ടായിരുന്നത്. ഇയാള്‍ക്ക് വേണ്ടിയുള്ള തിരച്ചില്‍ തുടരുകയാണ്. ഇന്നലെ വൈകിട്ട് ആറ് മണിയോടെയായിരുന്നു സംഭവം. കല്ലമ്പലം ഭാഗത്തായി എക്‌സൈസ് സംഘം നടത്തിയ വാഹന പരിശോധനയ്‌ക്കിടെയാണ് കഞ്ചാവ് കടത്ത് പിടികൂടിയത്.
കാറില്‍ നിന്നും 32 പായ്‌ക്കറ്റുകളിലായി സൂക്ഷിച്ചിരുന്ന 80 കിലോ കഞ്ചാവ് പിടികൂടിയത്. കാറില്‍ നിന്നും ഓടി രക്ഷപ്പെട്ട പ്രതിയുടെ പേരില്‍ നിരവധി ക്രിമിനല്‍ കേസുകള്‍ റിപ്പോര്‍ട്ട് ചെയ്തിട്ടുണ്ടെന്ന് പോലീസ് വ്യക്തമാക്കി.
പ്രതികരിക്കാൻ ഇവിടെ എഴുതുക: