വീടുകളില് പഴയ സാധനങ്ങള് വാങ്ങാന് വരുന്നവരെ സൂക്ഷിക്കണമെന്ന് കേരള പൊലീസിന്റെ താക്കീത്. പഴയ സാധനങ്ങള് എടുക്കാന് വരുന്നവര് വീടുകളില് മോഷണം നടത്തുന്ന സംഭവങ്ങള് കൂടിയതോടെയാണ് ഈ താക്കീത്.
രണ്ടോ മൂന്നോ സ്ത്രീകള് കൈകളില് കുപ്പിയും ഏതാനും ഇരുമ്പുകളുമായി എത്തും. ഒരു സ്ത്രീ കാളിംഗ് ബെല് അമര്ത്തും. വാതില് തുറന്നാല് മറ്റ് സ്ത്രീകള് വീടിന്റെ പിറകിലേക്ക് പോകും. വീട്ടുടമസ്ഥനും അവരെ നോക്കാന് പിന്നിലേക്ക് പോകുമ്പോള് സംഘത്തിലെ മറ്റൊരു സ്ത്രീ വീടിനകത്തേക്ക് കടക്കും.
തൃശൂര് ജില്ലയില് കഴിഞ്ഞ ദിവസം മോഷ്ടിച്ചത് 20 പവന് ആഭരണങ്ങളാണ്. അതിനാല് അപരിചിതര് ആക്രി പെറുക്കാന് വരുമ്പോള് ശ്രദ്ധിക്കണമെന്നാണ് കേരള പൊലീസിന്റെ മുന്നറിയിപ്പ്.
