കുറ്റ്യാടി : നെടുമണ്ണൂര് സ്കൂളില് മാനേജ്മെന്റിന്റെ നേതൃത്വത്തില് നടത്തിയ പൂജ തടഞ്ഞവര്ക്കെതിരെ നിയമപാലകരുടെ നിശബ്ദത ഭയപ്പെടുത്തുന്നതാണെന്ന് കൊളത്തൂര് അദ്വൈതാശ്രമം മഠാധിപതി സ്വാമി ചിദാനന്ദപുരി പറഞ്ഞു. സ്കൂളില് സന്ദര്ശനം നടത്തിയ ശേഷം മാധ്യമങ്ങളുമായി സംസാരിക്കുകയായിരുന്നു അദ്ദേഹം.
നിയമവിരുദ്ധമായി എന്തെങ്കിലും ചെയ്തിട്ടുണ്ടെങ്കില് നിയമപരമായി നേരിടുന്നതിന് പകരം പൂജ അലങ്കോലപ്പെടുത്തിയത് അംഗീകരിക്കാനാകില്ല. ഇത്തരം അക്രമങ്ങളെ നിയമനടപടികളിലൂടെ നേരിട്ട് നിയമം നടപ്പാക്കേണ്ട നിയമപാലകരുടെ നിശബ്ദത ഭയപ്പെടുത്തുകയാണ്. ഇത്തരം പ്രവണതകള് തുടര്ന്നാല് കേരളത്തിന്റെ അവസ്ഥ എന്തായിരിക്കും.
സ്കൂളിലെ പുതിയ ബ്ലോക്കിന്റെ നവീകരണത്തിന് ശേഷം മാനേജരുടെ നേതൃത്വത്തില് നടത്തിയ പൂജയാണ് അലങ്കോലമാക്കിയത്. മാനേജരുടെ വ്യദ്ധനായ അച്ഛനെ അക്രമിച്ച് പരിക്കേല്പ്പിച്ചു. അദ്ദേഹത്തിന്റെ ഫോണ് തല്ലിത്തകര്ത്തു. മഹാകുറ്റകൃത്യം ചെയ്തെന്ന രീതിയില് ആര്എസ്എസിന്റെ പൂജയാണെന്ന് പ്രചരിപ്പിച്ച് രാഷ്ട്രീയ നേട്ടത്തിനാണ് ചിലര് ശ്രമിച്ചത്. ഇത്തരം നടപടികള് കേരളസമൂഹം അനുവദിച്ച്തരില്ല.
ന്യൂനപക്ഷ സമൂഹങ്ങളുടെ നിയന്ത്രണത്തിലുള്ള എയ്ഡഡ് വിദ്യാലയങ്ങളില് അവരുടെ വിശ്വാസ പ്രകാരം വെഞ്ചിരിപ്പും പ്രാര്ത്ഥനകളും നടക്കാറുണ്ട്. എന്നാല് ഗണപതി ഹോമം അക്രമികള് സംഘടിച്ചെത്തി തടഞ്ഞത് ഹൈന്ദവസമൂഹം ഒരു ആചാരവും ചെയ്യരുതെന്ന താക്കീതാണ്. ഇത് അംഗീകരിക്കാനാകില്ല. ഹിന്ദു വിശ്വാസങ്ങള്ക്കെതിരെയുള്ള കടന്നുകയറ്റങ്ങള് എതിര്ക്കപ്പെടേണ്ടതാണ് – അദ്ദേഹം പറഞ്ഞു. സ്കൂള് മാനേജരേയും കുടുംബാംഗങ്ങളെയും അദ്ദേഹം സന്ദര്ശിച്ചു.
കൊളത്തൂര് അദ്വൈതാശ്രമം പ്രസിഡന്റ് എം.കെ. രജീന്ദ്രനാഥ്, അജിത്ത് പെരുമുണ്ടശ്ശേരി എന്നിവരും അദ്ദേഹത്തോടൊപ്പമുണ്ടായിരുന്നു.
