ഇടുക്കി: കാട്ടാനയെ കണ്ട് ഭയന്നോടിയ വീട്ടമ്മയ്ക്ക് വീണുപരിക്ക്. ഇടുക്കി ബിഎല് റാം സ്വദേശി പാല്ത്തായ്ക്കാണ് പരിക്കേറ്റത്. ഇവരെ തേനി മെഡിക്കല് കോളജ് ആശുപത്രിയില് പ്രവേശിപ്പിച്ചു.
രാവിലെയാണ് സംഭവം. മുന്പഞ്ചായത്തംഗം കൂടിയായ പാല്ത്തായ് മറ്റൊരു വീട്ടമ്മയ്ക്കൊപ്പം നടന്നുവരവെ ചക്കക്കൊമ്പന് ഇവര്ക്കു നേരെ പാഞ്ഞടുത്തു. ഇതോടെ ഇരുവരും ഭയന്നോടി.
രക്ഷപെടാന് പാല്ത്തായ് മുപ്പതടിയോളം ഉയരമുള്ള തിട്ടയില് നിന്ന് താഴേക്ക് ചാടി. ഈ വീഴ്ചയിലാണ് പരിക്കേറ്റത്. ഇതിനു പിന്നാലെ നാട്ടുകാര് ബഹളംവച്ച് ആനയെ തുരത്തിയ ശേഷം പാല്ത്തായിയെ ആശുപത്രിയിലെത്തിക്കുകയായിരുന്നു.
