കൊല്ലം: പട്ടാഴിയിൽ നിന്ന് കാണാതായ കുട്ടികളെ കല്ലടയാറ്റിൽ മരിച്ച നിലയിൽ കണ്ടെത്തി. വെണ്ടാർ ശ്രീവിദ്യരാജ സ്കൂളിലെ ഒമ്പതാം ക്ലാസ് വിദ്യാർത്ഥികളാണ് ഇരുവരും. ആദിത്യൻ, അമൽ എന്നിവരെയാണ് മരിച്ച നിലയിൽ കണ്ടെത്തിയത്.
കല്ലടയാറ്റിൽ ആറാട്ടുപുഴ പാറക്കടവിന് സമീപമാണ് മൃതദേഹം കണ്ടെത്തിയത്. ഇന്നലെ ഉച്ചമുതൽ ഇരുവരെയും കാണാനില്ലായിരുന്നു. ഇന്നലെ വൈകിട്ട് കുട്ടികൾ വീട്ടിൽ എത്തിയിരുന്നില്ല. ഇത് സംബന്ധിച്ച് അന്വേഷണം നടക്കവെയാണ് മൃതദേഹം കണ്ടെത്തിയത്. കുളിക്കാൻ ഇറങ്ങി അപകടത്തിൽപ്പെട്ടതാകാം എന്നാണ് പ്രാഥമിക് നിഗമനം. സംഭവത്തിൽ അന്വേഷണം നടന്നു വരികയാണ്.
