കാഠ്മണ്ഡു: യുഎസിലേക്ക് അയക്കാനെന്ന വ്യാജേന നേപ്പാളിൽ ഒരു മാസത്തിലേറെയായി ബന്ദികളാക്കിയ പതിനൊന്ന് ഭാരതീയരെ രക്ഷപ്പെടുത്തി. ഇവരെ തടങ്കിൽ വച്ച റാക്കറ്റിൽ പങ്കുള്ള ഏഴ് ഭാരതീയ ഏജൻ്റുമാരെ അറസ്റ്റ് ചെയ്യുകയും ചെയ്തതായി പോലീസ് അറിയിച്ചു.
കാഠ്മണ്ഡുവിന്റെ പ്രാന്തപ്രദേശത്തുള്ള റാട്ടോപുൾ മേഖലയിൽ ഒരു മാസത്തിലേറെയായി വാടക വീട്ടിലാണ് 11 പേരെ ബന്ദികളാക്കിയത്. രഹസ്യവിവരത്തെത്തുടർന്ന് കാഠ്മണ്ഡു ജില്ലാ പോലീസ് റേഞ്ചിൽ നിന്ന് പ്രത്യേക പോലീസ് സംഘമാണ് ഓപ്പറേഷൻ നടത്തിയത്.
കൂടുതൽ അന്വേഷണ നടപടികൾ നടക്കുന്നതിനാൽ വിശദമായ റിപ്പോർട്ടുകൾക്കായി കാത്തിരിക്കുകയാണെന്ന് കാഠ്മണ്ഡു ജില്ലാ പോലീസ് റേഞ്ചിലെ വൃത്തങ്ങൾ പറഞ്ഞു.
