തിരുവനന്തപുരം: നടനും ബിജെപി നേതാവുമായ സുരേഷ് ഗോപി അബുദാബിയിൽ. അഹ്‌ലൻ മോദി സമ്മേളനത്തിൽ പ്രധാനമന്ത്രി നരേന്ദ്ര മോദിയെ കാണാൻ എത്തിയ പ്രവാസി ഭാരതീയരുടെ കൂട്ടത്തിൽ അദ്ദേഹവും ഇടം നേടി. പരിപാടിയിൽ പങ്കെടുത്ത വിവരം സുരേഷ് ഗോപി തന്നെയാണ് ഫേസ്ബുക്കിലൂടെ പുറത്തുവിട്ടത്.
ഷെയ്ഖ് സായിദ് സ്റ്റേഡിയത്തിൽ നടന്ന പരിപാടിയിൽ അരലക്ഷത്തിലധികം വരുന്ന പ്രവാസി ഭാരതീയർക്കൊപ്പമാണ് സുരേഷ് ഗോപിയും സ്ഥാനം പിടിച്ചത്. ഇന്ന് നടക്കുന്ന അബുദാബിയിലെ അദ്യ ഹിന്ദു ക്ഷേത്രമായ ബി എ പി എസ് ശിലാക്ഷേത്രത്തിന്റെ സമർപ്പണ ചടങ്ങിലും അദ്ദേഹം പങ്കെടുക്കുമെന്നാണ് സൂചന. മധ്യപൂർവ്വ ദേശത്തെ ഏറ്റവും വലിയ ശിലാക്ഷേത്രമാണ് പ്രധാനമന്ത്രി നരേന്ദ്രമോദി ഇന്ന് സമർപ്പിക്കുന്നത്.
പ്രതികരിക്കാൻ ഇവിടെ എഴുതുക: