മഡ്ഗോവ: കാന്സറിനോട് മല്ലിടുമ്പോഴും ഭാരം ഉയര്ത്തി മെഡല് നേടുന്നത് തുടര്ന്ന് വേണു മാധവന്. സൂപ്പര് മാസ്റ്റേഴ്സ് ഗേയിംസ് ആന്ഡ് സ്പോര്ട്സ് ഫെഡറേഷന് ഗോവയില് നടത്തിയ ദേശീയ മാസ്റ്റേഴ്സ് ഗെയിംസില് പവര് ലിഫ്റ്റിംഗ് 50 വയസ്സില് മുകളില് പ്രായമുള്ളവരുടെ 75 കിലോ വിഭാഗത്തില് വേണു ഒന്നാമനായി. കൊച്ചിയില് നടന്ന മാസ്റ്റേഴ്സ് ഗയിമില് 74 കിലോ വിഭാഗത്തിലും ഈ കൊല്ലംകാരന് സ്വര്ണ്ണം നേടിയിരുന്നു.
തിരുവനന്തപുരം റീജണല് ക്യാന്സര് സെന്ററിര് ചികിത്സയിലിരിക്കുന്ന വേണു അതിനിടയിലാണ് ചാമ്പ്യന്ഷിപ്പുകളില് എത്തുന്നത്. കൊല്ലം മരുത്തടി സ്വദേശിയായ വേണുമാധവന് ചെറുപ്പത്തില് ശാരീരിക ക്ഷമത കൂട്ടാനുള്ള പരിശ്രമത്തിന്റെ ഭാഗമായിട്ടാണ് പവര്ലിഫ്റ്റിംഗ് പരീശീലനം തുടങ്ങിയത്. മത്സരവേദിയിലേക്ക് എത്താന് വൈകി.
എട്ട് വര്ഷം മുന്പ് മത്സരത്തിനായി പരിശീലനം നടത്തുന്നതിനിടെയില് പരിക്കേറ്റു. പരിശോധനയ്ക്കിടയില് രക്താര്ബുദം മൂന്നാംഘട്ടത്തിലെത്തിയത് കണ്ടെത്തി. ചികിത്സയുടെ നാളുകള്. ജീവിതത്തിലേക്ക് തിരിച്ചുവരവ് ഇല്ലന്നു പറഞ്ഞവരാണ് ഏറെയും. അര്ബുദത്തെ മനക്കരുത്തുകൊണ്ടും ആത്മവിശ്വാസംകൊണ്ടും വേണു നേരിടുന്നതാണ് പിന്നീട് കണ്ടത്. ജീവിതത്തിലേക്ക് മാത്രമല്ല പവര്ലിഫ്റ്റിലേക്കും മടങ്ങിയെത്തി. ചെന്നൈ ജില്ലാ പവര്ലിഫ്റ്റിംഗ് 83 കിലോ വിഭാഗത്തില് രണ്ടാം സ്ഥാനത്തെത്തി തിരിച്ചുവരവ് അടയാളപ്പെടുത്തി്. തുടര്ന്ന് തിരുവനന്തപുരത്തെ മത്സരത്തില് ഒന്നാം സ്ഥാനവും ദേശീയ മത്സരത്തില് വെങ്കലവും.
രാജ്യത്തിന്റെ വിവധ ഭാഗങ്ങളില് നടക്കുന്ന മത്സരങ്ങളില് ആവേശത്തോടെ പങ്കെടുക്കും. മെഡല് കിട്ടിയാലും ഇല്ലങ്കിലും. ചെറുതും വലുതുമായി നിരവധി മെഡലുകളും ഇതിനിടെ ലഭിച്ചു. പലപ്പോഴും മെഡലുമായി നേരേ പോകുന്നത് കീമോയ്ക്കായി ആശുപത്രിയിലേക്കായിരുന്നു.
കഴിഞ്ഞ ദിവസം ഇന്ത്യന് പവര്ലിഫ്റ്റിംഗ് ഫെഡറേഷന് മുംബയില് നടത്തിയ നാഷണല് പവര് ലിഫ്റ്റിങ് ചാമ്പ്യന് ഷിപ്പിലും വേണു മെഡല് നേടി. 74 കിലോ വിഭാഗത്തില് വെങ്കലം. കാന്സര് തളര്ത്തിയ ശരീരം ഭാരം ഉയര്ത്താന് വേണുവിന് തടസ്സമാകുന്നില്ല
