തിരുവനന്തപുരം : ഖത്തറില്‍ രാജ്യദ്രോഹകുറ്റത്തിന് തടവിലായിരുന്ന നാവികസേന മുന്‍ ഉദ്യോഗസ്ഥനെ ബി.ജെ.പി. ദേശീയ നിര്‍വാഹ സമിതി അംഗം പി കെ കൃഷ്ണദാസ് സന്ദര്‍ശിച്ചു. ബാലരാമപുരം താന്നിവിള ഇളമാനൂര്‍ക്കോണം സ്വദേശി രാഗേഷ് ഗോപകുമാറിനെയാണ് കൃഷ്ണദാസ് സന്ദര്‍ശിച്ചത്.
രാഗേഷ് ഗോപകുമാറിന്റെ മോചനത്തില്‍ കുടുംബത്തിന്റെ സന്തോഷത്തില്‍ പങ്കുചേരുന്നുവെന്ന് കൃഷ്ണദാസ് പറഞ്ഞു. കഴിഞ്ഞ ദിവസമാണ് ഖത്തറില്‍ തടവിലായിരുന്ന രാഗേഷ് കുമാറിനെ ഉള്‍പ്പെടെ എട്ട് ഇന്ത്യാക്കാരെ മോചിപ്പിച്ചത്.
പ്രധാനമന്ത്രി നരേന്ദ്രമോദിയുടെയും വിദേശമന്ത്രാലയത്തിന്റെയും ഇടപെടലാണ് മോചനത്തിന് വഴിയൊരുക്കിയത്. നേരത്തേ ബി ജെ പി സംസ്ഥാന അധ്യക്ഷന്‍ കെ സുരേന്ദ്രനും രാഗേഷ് ഗോപകുമാറിനെ സന്ദര്‍ശിച്ചിരുന്നു.
പ്രതികരിക്കാൻ ഇവിടെ എഴുതുക: