അയോധ്യ: അയോധ്യയിലെ രാമക്ഷേത്രത്തില്‍ ചൊവ്വാഴ്ച ശ്രീരാമനെ ദര്‍ശിക്കാനായി നിരവധി ഭക്തജനങ്ങള്‍ എത്തി. ക്ഷേത്ര കോംപ്ലസില്‍ വന്‍ ഭക്തജനപ്രവാഹമാണ് ഇന്ന് അനുഭപ്പെട്ടതെന്ന് അധികൃതര്‍ അറിയിച്ചു.
നിരവധി പ്രമുഖര്‍ ക്ഷേത്രം സന്ദര്‍ശിക്കാന്‍ എത്തുന്നതും തിരക്ക വര്‍ധിക്കാന്‍ കാരണമായി. കഴിഞ്ഞ ദിവസമാണ് അമിതാഭ് ബച്ചന്‍ അയോധ്യയിലെ രാമക്ഷേത്രത്തിലെത്തി രാമലല്ലയെ പ്രാര്‍ത്ഥിച്ചു മടങ്ങിയത്. ആഴ്ചകള്‍ക്കു മുന്നേ മകന്‍ അഭിഷേക് ബച്ചനൊപ്പം പ്രണാപ്രതിഷ്ഠ ചടങ്ങിനു അദേഹം എത്തിയിരുന്നു.
സുരിനാമില്‍ നിന്നുള്ള പ്രതിനിധി സംഘവും കഴിഞ്ഞ ആഴ്‌ച്ച അയോധ്യ സന്ദര്‍ശിച്ചിരുന്നു. സുരിനാമിലെ ദേശീയ അസംബ്ലി ചെയര്‍മാന്‍ മരീനസ് ബീയുടെ നേതൃത്വത്തിലുള്ള സംഘം ബുധനാഴ്ച രാവിലെയാണ് അയോധ്യയിലെത്തിയത്. മുഖ്യമന്ത്രി പേമ ഖണ്ഡുവിന്റെ നേതൃത്വത്തില്‍ അരുണാചല്‍പ്രദേശ് മന്ത്രിസഭയും അയോധ്യയിലെ രാമക്ഷേത്രം സന്ദര്‍ശിച്ചു.
പ്രതികരിക്കാൻ ഇവിടെ എഴുതുക: