റമ്പാന്‍: ജമ്മു കശ്മീരിലെ റമ്പാന്‍ ജില്ലയില്‍ ഇന്നലെ രാത്രി വൈകിയുണ്ടായ തീപിടിത്തത്തില്‍ മൂന്ന് കുട്ടികള്‍ മരിച്ചു. വീട് പൂര്‍ണ്ണമായും കത്തി നശിച്ചെന്നാണ് റിപ്പോര്‍ട്ട്.
ഞായറാഴ്ച രാത്രി റമ്പാന്‍ ജില്ലയിലെ ഉഖ്‌റാള്‍ ബ്ലോക്കിലെ മൂന്ന് നില വീടിന് തീപിടിച്ചെന്നും, ദാരുണ സംഭവത്തില്‍ മൂന്ന് കുട്ടികളുടെ ജീവന്‍ നഷ്ടപ്പെട്ടുവെന്നും ഡെപ്യൂട്ടി കമ്മീഷണര്‍ (ഡിസി) റമ്പാന്‍, ബസീര്‍ ഉല്‍ ഹഖ് ചൗധരി പറഞ്ഞു. തീപിടിത്തമുണ്ടായതിന് തൊട്ടുപിന്നാലെ ഡോക്ടര്‍മാരുടെ സംഘം സ്ഥലത്തെത്തി.
മരണപ്പെട്ടവരുടെ പോസ്റ്റ്‌മോര്‍ട്ടം നടപടികള്‍ തുടരുകയാണ്. മരിച്ച കുട്ടികളുടെ കുടുംബത്തിന് റെഡ് ക്രോസ് സൊസൈറ്റിയുടെ സഹായം ഉടന്‍ നല്‍കുമെന്നും ഉദ്യോഗസ്ഥര്‍ പറഞ്ഞു.
പ്രതികരിക്കാൻ ഇവിടെ എഴുതുക: