കോഴിക്കോട് : നാഥുറാം വിനായക് ഗോഡ്സെയെ പ്രകീര്ത്തിച്ച് സാമൂഹ്യ മാധ്യമത്തില് പോസ്റ്റിട്ട എന്ഐടി അധ്യാപിക ഷൈജ ആണ്ടവനെ പൊലീസ് ചോദ്യം ചെയ്യുന്നു.ഷൈജ ആണ്ടവന്റെ ചാത്തമംഗലത്തെ വീട്ടിലെത്തിയാണ് ചോദ്യം ചെയ്യല്.
കുന്ദമംഗലം സിഐയുടെ നേതൃത്വത്തിലാണ് ചോദ്യം ചെയ്യല്.ഷൈജ ആണ്ടവനെതിരെ കലാപാഹ്വാനത്തിന് പൊലീസ് കേസെടുത്തിട്ടുണ്ട്.
ഗോഡ്സെ ഇന്ത്യയെ രക്ഷിച്ചതില് അഭിമാനമെന്ന ഷൈജ ആണ്ടവന്റെ കമന്റ് വിവാദമായിരുന്നു. ഷൈജ ആണ്ടവനെതിരെ എ ബി വി പി ഉള്പ്പെടെ
വിവിധ വിദ്യാര്ത്ഥി സംഘടനകള് നല്കിയ പരാതിയില് കേസ് എടുത്തിരുന്നുവെങ്കിലും ഷൈജ ആണ്ടവന് അവധിയില് പ്രവേശിച്ചതിനാല് ചോദ്യം ചെയ്യാന് കഴിഞ്ഞിരുന്നില്ല.
അധ്യാപികയുടെ ഫേസ്ബുക്ക് കുറിപ്പ് സംബന്ധിച്ച് അന്വേഷിക്കാന് കോഴിക്കോട് എന്ഐടി കഴിഞ്ഞ ദിവസം പ്രത്യേക സമിതിയെ നിയോഗിച്ചു. സമിതി നല്കുന്ന അന്വേഷണ റിപ്പോര്ട്ടിന്റെ അടിസ്ഥാനത്തില് ഉചിതമായ നടപടികള് ഉണ്ടാവുമെന്നാണ് എന്ഐടിയുടെ വിശദീകരണം.
