തിരുവനന്തപുരം: കേരളത്തിലെ എല്ലാ ജില്ലകളില് നിന്നുമുള്ള വിദ്യാര്ഥികളും യുവജനങ്ങളും പങ്കെടുക്കുന്ന യുവജനസമ്മേളനത്തില് ശ്രീ ശ്രീ രവിശങ്കര് പങ്കെടുക്കും. ഫെബ്രുവരി 16ന് വെള്ളിയാഴ്ച ഉച്ചയ്ക്കു ശേഷം അദേഹം തലസ്ഥാനത്തെത്തും. അന്നു വൈകുന്നേരം മൂന്നരയ്ക്ക് നാലാഞ്ചിറ ഗിരിദീപം കണ്വന്ഷന് സെന്ററില് ‘വൈബ്സ് എഡ്യൂ യൂത്ത് ‘എന്ന യുവജനസമ്മേളനം നടക്കും.
ലഹരി എന്ന വിപത്തിനെതിരെ യുവാക്കളെയും വിദ്യാര്ത്ഥികളെയും ബോധവാന്മാരാക്കി ആരോഗ്യവും സന്തോഷവും ഉളള ജനതയായി അവരെ മാറ്റുക എന്ന ലക്ഷ്യത്തോടെയാണ് ‘വൈബ്സ് എഡ്യൂ യൂത്ത് സംഘടിപ്പിക്കുന്നത്. ‘ലഹരി വിമുക്ത കേരളം, ആനന്ദ കേരളം’ എന്നതാണ് മുദ്രാവാക്യം.
വിവിധ മേഖലകളിലെ പ്രഗത്ഭരും വിദ്യാര്ഥി സംഘടനാ പ്രതിനിധികളും സമ്മേളനത്തില് പങ്കെടുക്കും. സമ്മേളനം ലഹരിക്കെതിരെ ഒറ്റക്കെട്ടായി പ്രതിജ്ഞ എടുക്കും. അദേഹം നയിക്കുന്ന ഗാന ധ്യാന സംഗീത സന്ധ്യ വൈകുന്നേരം 6.30ന് അവസാനിക്കും. 17ന് രാവിലെ 9.30ന് ഗിരിദീപം കണ്വെന്ഷന് സെന്ററില് ആര്ട്ട് ഓഫ് ലിവിങിന്റെ ഹാപ്പിനെസ്സ് മഹോത്സവില് പങ്കെടുത്ത മുവ്വായിരത്തോളം ആളുകളെ ഗുരുദേവ് അഭിസംബോധന ചെയ്യും. അന്ന് ഉച്ചയ്ക്കു ശേഷം കൊച്ചിയിലേക്ക് തിരിക്കും.
