കണ്ണൂര്‍: തെയ്യക്കോലത്തിന് നാട്ടുകാരുടെ മര്‍ദ്ദനം. തില്ലങ്കേരി പെരിങ്ങാനം ഉദയംകുന്ന് മടപ്പുര തിറ മഹോത്സവത്തോടനുബന്ധിച്ചുളള കൈതച്ചാമുണ്ഡിയുടെ തെയ്യക്കോലത്തിനാണ് കഴിഞ്ഞ ദിവസം ഉച്ചയോടെ മര്‍ദ്ദനമേറ്റത്.
കൈതച്ചാമുണ്ഡി കോലങ്ങള്‍ കെട്ടിയാടുമ്പോള്‍ ആള്‍ക്കാരെ ഭയപ്പെടുത്തി ഓടിക്കാറുണ്ട്.ഇതുപ്രകാരം കെട്ടിയാടിയ തെയ്യം ആളുകളെ ഭയപ്പെടുത്തി. ഇതിനിടെ ഭയന്നോടിയ ഒരു കുട്ടി വീണ് പരിക്കേറ്റതോടെ ജനക്കൂട്ടം പ്രകോപിതരാവുകയും തെയ്യക്കോലം കെട്ടിയയാളെ തല്ലുകയുമായിരുന്നു.
പരിക്കേറ്റ കുട്ടിയെ കണ്ണൂരിലെ സഹകരണ ആശുപത്രിയില്‍ പ്രവേശിപ്പിച്ചു. കൈതച്ചാമുണ്ഡിയുടെ തെയ്യക്കോലം ജില്ലയില്‍ ചുരുക്കം ക്ഷേത്രങ്ങളില്‍ മാത്രമാണ് കെട്ടിയാടുന്നത്.ഉഗ്രമൂര്‍ത്തിയായ കൈതച്ചാമുണ്ഡിയുടെ തിറയാട്ടം കണ്ട് ഭയന്നു ഓടുന്നവര്‍ വീണ് പരിക്കേല്‍ക്കാറുണ്ട്.
പ്രതികരിക്കാൻ ഇവിടെ എഴുതുക: