കൊച്ചി: വിദേശ സര്‍വകലാശാലകളെ സ്വാഗതം ചെയ്യുന്ന സിപിഎം നയംമാറ്റം ചര്‍ച്ച ചെയ്യുന്നതിനിടെ പാര്‍ട്ടി ജില്ലാ സെക്രട്ടറിയുടെ മകളുടെ ബിരുദദാന ചടങ്ങിന്റെ ചിത്രവും വൈറലാകുന്നു. എറണാകുളം സിപിഎം ജില്ലാ സെക്രട്ടറി സി എന്‍ മോഹനന്റെ മകളുടെ ബിരുദദാന ചടങ്ങിനോട് അനുബന്ധിച്ച് ഇംഗ്ലണ്ടില്‍ വെച്ച് എടുത്ത ഫോട്ടോയാണ് സാമൂഹ്യ മാധ്യമങ്ങളില്‍ പ്രചരിക്കുന്നത്.
‘ഇത് ഏതെങ്കിലും കോടീശ്വരനും ഭാര്യയും മക്കളും ആണെന്ന് കരുതിയവര്‍ക്ക് തെറ്റി’ , ‘ഏതേലും പാവങ്ങള്‍ ലോണെടുത്തും ഭാര്യയുടെ പെന്‍ഷന്‍ മുഴുവന്‍ ചിലവാക്കിയും മക്കളെ ഇംഗ്ലണ്ടില്‍ പഠിപ്പിക്കുന്നതില്‍ അസൂയപ്പെടരുത്’ ,’പിണറായിസം എങ്ങിനെ മാര്‍ക്‌സിസത്തിനെ കടത്തി വെട്ടിയിരിക്കുന്നു എന്നതിന് ഉത്തമ ഉദാഹരണം’, ‘പരിപ്പ് വടയുടെയും, കട്ടന്‍ ചായയുടേയും പാള തൊപ്പിയുടെയും കാലം എന്നോ കഴിഞ്ഞു. ഇത് അഭിനവ കമ്മ്യൂണിസ്റ്റ് കാരന്റെ തല്‍ സ്വരൂപം’,’മോഹനന്‍ ഇംഗ്ലണ്ടില്‍ പോകേണ്ടിയിരുന്നത് ശംഖുമാര്‍ക്ക് കൈയിലിയും ബനിയനും കള്ളി തോര്‍ത്ത് തലയില്‍ കെട്ടി ദിനേശ് ബീഡിയും വലിച്ച് പോയിരുന്നെങ്കില്‍ ഉത്തമ കമ്മൂണിസ്റ്റ് എന്ന് ഇയാള്‍ പറയുമായിരുന്നു’, ‘നാട്ടില്‍ ഉള്ള യുവാക്കളെയും യുവതികളെ യും വിദ്യാഭ്യാസം ഉള്ളവരും ഇല്ലാത്തവരും ആയിട്ടുള്ളൂ ആളുകളേയും പോലിസിന്റെ തല്ലു കൊള്ളാനും ജാമ്യം ഇല്ലാത്ത വകുപ്പുകളും ചുമത്തി നാട്ടില്‍ ഒതുക്കി ഇട്ടിട്ട് സ്വന്തം മക്കളെ സുരക്ഷിതമായ സ്ഥാനത്ത് എത്തിക്കുന്ന ആളുകള്‍’ .
തുടങ്ങി നിരവധി കമന്റുകളാണ് ചിത്രത്തോടൊപ്പം പ്രചരിക്കുന്നത്
പ്രതികരിക്കാൻ ഇവിടെ എഴുതുക: