ബെംഗളൂരു: ഇന്ത്യന് സൂപ്പര് ലീഗ്(ഐഎസ്എല്) ഫുട്ബോളില് മുന് ചാമ്പ്യന്മാര് ഏറ്റുമുട്ടിയ മത്സരത്തില് ബെംഗളൂരു എഫ്സിക്ക് വിജയം. ഇന്നലെ സ്വന്തം തട്ടകമായ കണ്ഠീവര സ്റ്റേഡിയത്തില് നടന്ന മത്സരത്തില് ചെന്നൈയിന് എഫ്സിയെ ഏകപക്ഷീയമായ ഒരു ഗോളിന് തോല്പ്പിച്ചതിലൂടെ ടീം സീസണിലെ മൂന്നാം ജയം സ്വന്തമാക്കി.
കളിയുടെ 62-ാം മിനിറ്റില് ബെംഗളൂരുവിന്റെ ഓസ്ട്രേലിയന് വലത് വിങ്ങര് റയാന് വില്ല്യംസ് ആണ് ഗോള് നേടിയത്. കളിയില് ഇരു വിഭാഗം നടത്തിയ മുന്നേറ്റങ്ങളെ ഗോളാക്കി മാറ്റുന്നതില് ഒരുപോലെ പരാജയപ്പെട്ടു. മത്സരത്തിലുടനീളം രണ്ട് ടീമുകളും രണ്ട് വീതം ഓണ് ടാര്ജറ്റ് ഷോട്ടുകളേ ഉതിര്ത്തുള്ളൂ.
ജയത്തിലൂടെ സീസണിലെ 14-ാം മത്സരത്തിനിറങ്ങിയ ടീം ഇതുവരെ 14 പോയിന്റ് സ്വന്തമാക്കി. പോയിന്റ് പട്ടികയില് മോഹന് ബഗാന് സൂപ്പര് ജയന്റ്സിന് തൊട്ടുപിന്നില് ആറാം സ്ഥാനത്താണ് ബെംഗളൂരു എഫ്സി.
