മാന്നാര്‍: പരുമലയില്‍ എസ്എഫ്ഐ-ഡിവൈഎഫ്ഐ ക്രിമിനലുകള്‍ കൊലപ്പെടുത്തിയ വീരബലിദാനി അനു പി.എസിന്റെ വീട്ടിലെത്തിയ കെ. സുരേന്ദ്രന്‍ മാതാപിതാക്കളെ സന്ദര്‍ശിക്കുകയും അനുവിന്റെ ഛായാചിത്രത്തിന് മുന്നില്‍ പുഷ്പാര്‍ച്ചന നടത്തുകയും ചെയ്തു. അനുവിന്റെ അമ്മ ഇന്ദിര ടീച്ചറിനും ശശിഏട്ടനും ഒപ്പം ഏറെ നേരം എന്‍ഡിഎ ചെയര്‍മാന്‍ ചെലവഴിച്ചു. കേരള പദയാത്ര ബന്ധപ്പെട്ട് ചെങ്ങന്നൂര്‍ മണ്ഡലത്തില്‍ എത്തിയപ്പോഴാണ് കെ സുരേന്ദ്രന്‍ പരുമല സംഭവത്തില്‍ ബലിദാനിയായ മാന്നാര്‍ കുട്ടന്‍പേരൂര്‍ അനു പിഎസിന്റെ വീട്ടിലെത്തിയത്.
ദക്ഷിണ മേഖല പ്രസിഡന്റ് കൃഷ്ണകുമാര്‍, ആലപ്പുഴ ജില്ലാ പ്രസിഡന്റ് എം.വി. ഗോപകുമാര്‍, മാന്നാര്‍ മണ്ഡലം പ്രസിഡന്റ് സതീഷ് കൃഷ്ണന്‍, സംസ്ഥാന കണ്‍വീനര്‍ ജി. ജയദേവ് എന്നിവര്‍ ഒപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: