തൃശൂര്: തൃശൂര് റൂറല് പൊലീസില് മെഡിക്കല് അവധിക്ക് നിയന്ത്രണമേര്പ്പെടുത്തി. അവധി അപേക്ഷ അനുവദിക്കും മുമ്പ് കാരണം സത്യമാണോ എന്ന് എസ്എച്ച്ഒമാര് അന്വേഷിക്കണമെന്ന് തൃശൂര് റൂറല് എസ്പി നവനീത് ശര്മയുടെ ഉത്തരവിലുണ്ട്.
എസ്എച്ച്ഒമാരുടെ ശുപാര്ശ ഇല്ലാതെ മെഡിക്കല് അവധി നല്കരുതെന്നാണ് ഉത്തരവില് പറയുന്നത്. ഉദ്യോഗസ്ഥര് അവധിയെടുക്കുന്നത് വര്ദ്ധിച്ചുവെന്ന് ഉത്തരവില് പറയുന്നു.
ലോക്സഭാ തെരഞ്ഞെടുപ്പ് അടുത്തിരിക്കുന്ന സാഹചര്യത്തില് അവധി പരമാവധി കുറയ്ക്കണം. 10 ദിവസത്തിലധികം അവധി വേണ്ടവര് വ്യക്തമായ കാരണം ബോധിപ്പിക്കണം. എസ്എച്ച്ഒമാര് അന്വേഷണം നടത്തി തക്കതായ കാരണം ഉണ്ടെങ്കിലേ അവധി നല്കൂവെന്ന് ഉത്തരവിലുണ്ട്.
