ബിഡിജെഎസ് നേതാവ് തുഷാര് വെള്ളാപ്പള്ളിയുടെ മകളുടെ വിവാഹത്തിന്റെ സ്നേഹവിരുന്നില് പങ്കെടുത്ത് പ്രധാനമന്ത്രി നരേന്ദ്രമോദി. ഡല്ഹിയില് നടന്ന ചടങ്ങിലാണ് പ്രധാനമന്ത്രി വധൂവരന്മാരെ ആശിര്വദിക്കാനെത്തിയത്. പ്രധാനമന്ത്രിയെത്തിയ സന്തോഷം തുഷാര് വെള്ളാപ്പള്ളിയാണ് സമൂഹമാധ്യമത്തിലൂടെ പങ്കുവെച്ചത്.
അദ്ദേഹം ഫേസ്ബുക്കില് കുറിച്ചത്
ഒട്ടേറെ സന്തോഷം നിറഞ്ഞ സുദിനം ആയിരുന്നു കടന്നുപോയത്. മകള് ദേവികയുടെയും ഡോ.അനൂപിന്റെയും വിവാഹത്തിനു ശേഷം ഡല്ഹിയില് നടത്തിയ സ്നേഹവിരുന്നില്, ഒട്ടേറെ തിരക്കുകള് നിറഞ്ഞ സമയമായിട്ടും നേരിട്ട് പങ്കെടുത്ത് കുട്ടികളെ അനുഗ്രഹിക്കുകയും ദീര്ഘനേരം ഞങ്ങളോടൊപ്പം ചിലവഴിക്കുകയും ചെയ്ത പ്രിയ മോദിജിയ്ക്കും മറ്റ് വിശിഷ്ട വ്യക്തിത്വങ്ങള്ക്കും ഞങ്ങളുടെ സ്നേഹവും നന്ദിയും അറിയിക്കുന്നു.
ദേവിക മോളുടെയും അനൂപിന്റെയും വിവാഹ സന്തോഷസൂചകമായി ദേശീയ രാഷ്ട്രീയ സാമൂഹിക രംഗത്തെ സുഹൃത്തുക്കള്ക്കായി ഡല്ഹിയില് വച്ചു നടത്തിയ സ്നേഹസത്കാരത്തില് കുട്ടികള്ക്ക് അനുഗ്രഹവര്ഷം ചൊരിഞ്ഞു കൊണ്ട് പ്രമുഖരായ ഒട്ടേറെ വിശിഷ്ട വ്യക്തിത്വങ്ങള് പങ്കെടുത്തത് ഏറെ സന്തോഷമേകി.
ചടങ്ങുകളില് പങ്കെടുത്ത ബഹു. പ്രധാനമന്ത്രി, വിവിധ ഗവര്ണര്മാര്, കേന്ദ്രമന്ത്രിമാര്, ദേശീയ രാഷ്ട്രീയ രംഗത്തെ പ്രമുഖര്, വിവിധ സംസ്ഥാനങ്ങളിലെ മന്ത്രിമാര്, എം.പി.മാര്, എം എല് എമാര്, സാമൂഹ്യ സാംസ്കാരിക രംഗത്തെ പ്രമുഖര്, വ്യവസായ രംഗത്തെ സുഹൃത്തുക്കള് തുടങ്ങി ഞങ്ങളുടെ സന്തോഷത്തില് പങ്കുചേര്ന്ന എല്ലാ പ്രിയപ്പെട്ടവര്ക്കും ഞങ്ങളുടെ കുടുംബത്തിന്റെ നന്ദിയും സന്തോഷവും സ്നേഹവും കടപ്പാടും ഒരിക്കല് കൂടി അറിയിക്കുന്നു.
