കൊല്‍ക്കത്ത: സ്‌പൈസ് ജെറ്റ് യാത്രയ്ക്കിടെ സഹയാത്രികന്‍ യാത്രക്കാരിയോട് അപമര്യാദയായി പെരുമാറിയെന്ന് ആരോപണം. ജനുവരി 31നാണ് സംഭവം. കൊല്‍ക്കത്തയില്‍ നിന്ന് ബഗ്‌ദോഗ്രയിക്ക് കുടുംബത്തിനൊപ്പം യാത്ര ചെയ്യുന്നതിനിടെയാണ് യുവതിക്ക് സഹയാത്രക്കാരനില്‍ നിന്നും ദുരനുഭവം ഉണ്ടായത്.
വിമാനയാത്ര ആരംഭിച്ചതിനു പിന്നാലെ സഹയാത്രികന്‍ യുവതിയെ സ്പര്‍ശിച്ചെന്നാണ് ആരോപണം. പരാതി അറിയിച്ച ഉടന്‍ സ്‌പൈസ് ജെറ്റ് ക്രൂ അംഗങ്ങള്‍ യുവാവിനെ മാറ്റി ഇരുത്തുകയും വേണ്ട നടപടികള്‍ കൈക്കൊണ്ടതായും അധികൃതര്‍ അറിയിച്ചു. ബാഗ്‌ദോഗ്ര വിമാനത്താവളത്തില്‍ എത്തിയശേഷം സിഐഎസ്എഫ് പരാതിക്കാരിയേയും യുവാവിനേയും കൂട്ടിക്കൊണ്ടുപോവുകയും വിശദാംശങ്ങള്‍ തേടുകയും ചെയ്തു. യുവാവ് സിഐഎസ്എഫിന്റെ സാന്നിധ്യത്തില്‍ യുവതിയോട് മാപ്പും പറഞ്ഞു.
യുവതി രേഖാമൂലം പരാതി നല്‍കാത്തതിനാലാണ് തുടര്‍ നടപടി സ്വീകരിക്കാത്തത്. പരാതി അറിയിച്ച ഉടന്‍ ക്രൂ അംഗങ്ങള്‍ യുവതിക്ക് എല്ലാ സഹായങ്ങളും ചെയ്തു നല്‍കിയെന്നും സ്‌പൈസ് ജെറ്റ് അധികൃതര്‍ പ്രതികരിച്ചു. വിമാനയാത്രയ്‌ക്കിടെ വയോധികയുടെ മേത്ത് സഹയാത്രികന്‍ മൂത്രമൊഴിച്ചത് മുമ്പ് വിവാദമാവുകയും അയാള്‍ക്കെതിരെ നടപടി സ്വീകരിക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: