വയയ്ക്കല്: കേരളത്തിലെ ദൡത് ക്രൈസ്തവ വിദ്യാര്ത്ഥികളുടെ നിര്ത്തലാക്കിയ മുഴുവന് വിദ്യാഭ്യാസ ആനുകൂല്യങ്ങളും തിരികെ നല്കണമെന്ന് ബൈബിള് ഫെയ്ത്ത് മിഷന് ബിഷപ്പ് ഡോ. സെല്വദാസ് പ്രമോദ് ആവശ്യപ്പട്ടു. കേരള കൗണ്സില് ഓഫ് ചര്ച്ചസ് നേതൃത്വത്തിലുള്ള ക്രൈസ്തവ അവകാശ സംരക്ഷണ നീതി യാത്രയ്ക്ക് വയയ്ക്കലില് നല്കിയ സ്വീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം.
വിദ്യാഭ്യാസ മേഖലയിലും ജോലിയിലും ദൡത് ക്രൈസ്തവ സമൂഹത്തെ സര്ക്കാര് പിന്നോട്ടടിക്കുകയാണ്. അവസരസമത്വം പ്രസംഗിക്കുന്നവര് അധികാരം കൈയ്യാളുമ്പോള് പാര്ശ്വവത്ക്കരിക്കപ്പെട്ട സമൂഹത്തെ കാണാതെ പോകുന്നത് നീതിക്ക് നിരക്കുന്നതല്ല. ക്രൈസ്തവ ന്യൂനപക്ഷ വിഭാഗങ്ങളോട് സര്ക്കാര് പൊതുവേ നീതി നിഷേധം തുടരുകയാണന്നും അദ്ദേഹം പറഞ്ഞു.
കെസിസി വൈസ് പ്രസിഡന്റ് മേജര് ആശാ ജെസ്റ്റിന് അധ്യക്ഷത വഹിച്ചു. ജാഥാ ക്യാപ്റ്റന് കെസിസി ജനറല് സെക്രട്ടറി ഡോ. പ്രകാശ് പി. തോമസ്. കെസിസി ക്ലര്ജി കമ്മിഷന് ചെയര്മാന് എ.ആര്. നോബിള്, സാല്വേഷന് ആര്മി പ്രോഗ്രാം സെക്രട്ടറി ലഫ്. കേണല് സജൂ ഡാനിയേല്, കെസിസി കൊല്ലം ജില്ലാ കണ്വീനര് പോള് ഡേവിഡ് തുടങ്ങിയവര് പ്രസംഗിച്ചു.
