കോട്ടയം : പുതുപ്പള്ളി ഹൈസ്‌കൂള്‍ മൈതാനത്തെ അവഗണിക്കുന്നുവെന്നാരോപിച്ച് വ്യത്യസ്ത പ്രതിഷേധവുമായി ചാണ്ടി ഉമ്മന്‍ എംഎല്‍എ. കാടുപിടിച്ചുകിടന്ന സ്റ്റേഡിയം വൃത്തിയാക്കിയ ശേഷം ക്രിക്കറ്റ് കളിച്ചാണ് പ്രതിഷേധിച്ചത്.
ഹൈസ്‌കൂള്‍ മൈതാനത്തോടുള്ള അവഗണനയ്‌ക്ക് അറുതി വരുത്തണം എന്നാവശ്യപ്പെട്ട് യൂത്ത് കോണ്‍ഗ്രസ് പുതുപ്പള്ളി നിയോജക മണ്ഡലം കമ്മിറ്റി ജില്ലാപഞ്ചായത്ത് അധികൃതര്‍ക്ക് നിവേദനം നല്‍കിയിരുന്നു.മൈതാനം സംരക്ഷിക്കാന്‍ നടപടിയില്ലെങ്കില്‍ മൈതാനം യൂത്ത് കോണ്‍ഗ്രസ് ഏറ്റെടുക്കുമെന്ന് നിവേദനത്തില്‍ ചൂണ്ടിക്കാട്ടുന്നു.
ജില്ലാപഞ്ചായത്തും വിദ്യാഭ്യാസ വകുപ്പും തമ്മിലുള്ള തര്‍ക്കമാണ് മൈതാനത്തിന്റെ ശോചനീയാവസ്ഥയ്‌ക്ക് കാരണമെന്ന് ചാണ്ടി ഉമ്മന്‍ പറഞ്ഞു. തന്റെ മണ്ഡലത്തിലെ പല വികസന പ്രവര്‍ത്തനങ്ങളും നടക്കാത്തത് ഇതുപോലുള്ള പ്രശ്‌നങ്ങള്‍ കൊണ്ടാണെന്നും എംഎല്‍എ പറഞ്ഞു.
പ്രതികരിക്കാൻ ഇവിടെ എഴുതുക: