ആഗ്ര : താജ്മഹലില് ഉറൂസ് നടത്തുന്നതിനെതിരെ ഹര്ജിയുമായി ഹിന്ദുമഹാസഭ. ആഗ്ര കോടതിയിലാണ് ഹര്ജി സമര്പ്പിച്ചിരിക്കുന്നത്. ഈ വര്ഷത്തെ ഉറൂസ് ഫെബ്രുവരി ആറ് മുതല് എട്ട് വരെ നടക്കാനിരിക്കെയാണ് ഹര്ജി.
താജ്മഹല് പൈതൃക സ്മാരകങ്ങളുടെ പട്ടികയിലാണെന്ന് ചൂണ്ടിക്കാട്ടിയാണ് ഉറൂസിനെതിരെ ഹിന്ദു മഹാസഭ ഹര്ജി നല്കിയിരിക്കുന്നത്. പൈതൃക സ്മാരകത്തില് മതപരമായ ആചാരങ്ങള് നടത്തുന്നത് ശരിയല്ലെന്നാണ് ഹര്ജിയിലെ വാദം. പുരാതന ഹിന്ദു മതവിശ്വാസങ്ങളുമായി ബന്ധപ്പെട്ട കാര്യങ്ങളും ഹര്ജിയില് സൂചിപ്പിച്ചിട്ടുണ്ട്.
ഉറൂസ് തടയാന് കോടതി നിരോധന ഉത്തരവിറക്കണമെന്നാണ് ഹിന്ദുമഹാസഭയുടെ ആവശ്യം. ഉറൂസിനോടനുബന്ധിച്ച് താജ്മഹലില് സൗജന്യ പ്രവേശനം അനുവദിക്കുന്നതിനെയും ഹിന്ദുമഹാസഭ കോടതിയില് ചോദ്യം ചെയ്തിട്ടുണ്ട്.
ഹിന്ദുമഹാസഭയുടെ ഹര്ജിയില് കോടതി മാര്ച്ച് 4ന് കോടതി വാദം കേള്ക്കും.
