ഓസ്‌ട്രേലിയന്‍ ഓപ്പണ്‍ കിരീടം നേടിയ രോഹന്‍ ബൊപ്പണ്ണ ഫൈനലില്‍ കളിച്ച റാക്കറ്റ് ഭാരത പ്രധാനമന്ത്രി നരേന്ദ്ര മോദിക്ക് സമ്മാനിച്ചപ്പോള്‍
ന്യുദല്‍ഹി: ഓസ്‌ട്രേലിയന്‍ ഓപ്പണ്‍ പുരുഷ ഡബിള്‍സില്‍ കിരീടം നേടിയ ഭാരതത്തിന്റെ രോഹന്‍ ബൊപ്പണ്ണ നാട്ടിലെത്തിയ ശേഷം കിരീടവുമായി പ്രധാനമന്ത്രി നരേന്ദ്ര മോദിയെ സന്ദര്‍ശിച്ചു.
ഫൈനലില്‍ വിജയം കുറിച്ച നിമിഷം ബൊപ്പണ്ണയുടെ കൈയ്യലുണ്ടായിരുന്ന റാക്കറ്റ് പ്രധാനമന്ത്രി നരേന്ദ്ര മോദിക്ക് സമ്മാനിച്ചു. തുടര്‍ന്ന് കൂടിക്കാഴ്‌ച്ചയില്‍ പ്രചോദനമുള്‍ക്കൊണ്ട ബൊപ്പണ്ണ പ്രധാനമന്ത്രിക്കൊപ്പമുള്ള ചിത്ര സഹിതം എക്‌സില്‍ പോസ്റ്റ് ചെയ്ത് കുറിപ്പും പങ്കുവച്ചു.
പ്രധാനമന്ത്രിയുടമായുള്ള കൂടിക്കാഴ്ചയിലെ സംതൃപ്തി വെളിപ്പെടുത്തിയ ബൊപ്പണ്ണ റാക്കറ്റ് സമ്മാനിച്ച വിവരവും കുറിച്ചിട്ടുണ്ട്.
ഓസ്‌ട്രേലിയന്‍ ഓപ്പണ്‍ പുരുഷ ഡബിള്‍സില്‍ ഓസ്‌ട്രേലിയന്‍ താരം മാത്യു എബ്‌ഡെനുമൊത്താണ് താരം കിരീടം നേടിയത്. ഇതിനൊപ്പം ടെന്നിസിലെ ലോക പുരുഷ ഡബിള്‍സ് സഖ്യത്തില്‍ ഇരുവരും ഒന്നാം റാങ്കിലേക്ക് മുന്നേറുകയും ചെയ്തു.
പ്രതികരിക്കാൻ ഇവിടെ എഴുതുക