സുല്ത്താന് ബത്തേരി: മുത്തങ്ങ ബന്ദിപ്പൂര് വനമേഖലയില് യാത്രക്കിടെ വാഹനത്തില് നിന്ന് ഇറങ്ങിയവര് കാട്ടാനയുടെ ആക്രമണത്തില്നിന്ന് രക്ഷപ്പെട്ടത് തലനാരിഴക്ക്.
വയനാട് – മൈസൂരു ദേശീയപാതയില് കേരള അതിര്ത്തിയില് നിന്ന് 10 കിലോമീറ്റര് അകലെ അങ്കളയിലാണ് സംഭവം.
റോഡരികില് ഫോട്ടോ എടുക്കാന് ശ്രമിച്ച രണ്ടു പേര്ക്കു നേരെയാണ് കാട്ടാന പാഞ്ഞെത്തിയത്. കാട്ടാനയെ കണ്ടതോടെ ഇരുവരും ഓടാന് തുടങ്ങി. ഓട്ടത്തിനിടെ ഒരാള് നിലത്തുവീണു. ആന ഇയാളെ ചവിട്ടാന് ശ്രമിച്ചെങ്കിലും ആ സമയം അതുവഴി വന്ന ലോറിയിലേക്ക് ശ്രദ്ധ തിരിഞ്ഞു. ഇതോടെ യാത്രക്കാരന് തലനാരിഴക്ക് രക്ഷപ്പെടുകയായിരുന്നു.
വനംവകുപ്പിന്റെ നിര്ദേശങ്ങള് അവഗണിച്ചാണ് യാത്രക്കാര് വനപാതയില് വാഹനത്തില് നിന്നിറങ്ങി ഫോട്ടോഷൂട്ട് നടത്തിയത്.
