ഇറ്റാനഗർ: സംസ്ഥാനത്തിന്റെ തദ്ദേശീയ സംസ്കാരത്തിന്റെ സംരക്ഷണത്തിനും പ്രോത്സാഹനത്തിനുമാണ് സർക്കാരിന്റെ മുൻഗണനയെന്ന് അരുണാചൽ പ്രദേശ് മുഖ്യമന്ത്രി പേമ ഖണ്ഡു . അസമിലെ ദിബ്രുഗഢ് ജില്ലയിൽ നടന്ന ഒരു ചടങ്ങിൽ സംസാരിക്കുകയായിരുന്നു അദ്ദേഹം.
പൂർവ്വികർ കൈമാറിയ സാംസ്കാരിക പാരമ്പര്യങ്ങളും മൂല്യ സമ്പ്രദായങ്ങളും വളരെ പ്രധാനമാണെന്ന് അദ്ദേഹം പറഞ്ഞു. ഓരോ തലമുറയുടെയും ജീവിതം ഒരു സമൂഹത്തിന് അതിന്റെ ഐഡൻ്റിറ്റി നൽകുന്നു.
നമ്മുടെ പാരമ്പര്യങ്ങളുടെയും സംസ്കാരങ്ങളുടെയും സമ്പന്നമായ പൈതൃകം നമ്മുടെ കുടുംബങ്ങളും സമൂഹങ്ങളും നമുക്ക് പകർന്നു നൽകുന്നു. നമ്മുടെ മുതിർന്നവർ തീർച്ചയായും സമ്പ്രദായങ്ങളുടെ ജീവനുള്ള വിജ്ഞാനകോശങ്ങളാണെന്ന് അദ്ദേഹം പറഞ്ഞു.
നമ്മുടെ സംസ്കാരങ്ങൾ കാത്തുസൂക്ഷിച്ചതിന് അരുണാചലിലെ മുതിർന്നവരെ, പൂർവ്വികരെ അഭിനന്ദിക്കുന്നു. നമ്മുടെ യുവാക്കളിൽ ആ മൂല്യങ്ങൾ വളർത്തിയെടുക്കാൻ അവർ ശ്രമിക്കുന്നുണ്ട്. ലോകത്തിലെ ഏറ്റവും വൈവിധ്യമാർന്ന സംസ്കാരങ്ങളുടെ കേന്ദ്രമാണ് അരുണാചൽ പ്രദേശ് എന്നും ഖണ്ഡു പറഞ്ഞു.
കൂടാതെ എല്ലാ ജില്ലകളിലും ഗോത്ര സാംസ്കാരിക കേന്ദ്രങ്ങൾ നിർമ്മിക്കുന്നതിന് സംസ്ഥാന സർക്കാർ ഫണ്ട് അനുവദിച്ചിട്ടുണ്ടെന്നും ഗാലോ, നൈഷി ഗോത്രങ്ങൾക്കായി മൂന്ന് ഗുരുകുലങ്ങൾ നിർമ്മിക്കും. ആദി, തങ്സ ഗോത്രങ്ങൾക്കായി രണ്ട് ഗുരുകുലങ്ങളാണ് ഒരുക്കുന്നതെന്ന് അദ്ദേഹം പറഞ്ഞു.
പ്രാദേശിക ഉത്സവങ്ങൾ, തദ്ദേശീയ വിശ്വാസ ദിനം, തദ്ദേശീയ യുവജനോത്സവങ്ങൾ എന്നിവ ആഘോഷിക്കുന്നതിന് തങ്ങൾ എല്ലാ ജില്ലകൾക്കും സാമ്പത്തിക സഹായം നൽകുന്നുണ്ടെന്നും അദ്ദേഹം കൂട്ടിച്ചേർത്തു. ഉപമുഖ്യമന്ത്രി ചൗന മേനും ചടങ്ങിൽ പങ്കെടുത്തു.
