ബ്ലംഫോണ്ടെയിന്‍ : അണ്ടര്‍ 19 ലോകകപ്പ് സൂപ്പര്‍ സിക്‌സ് മത്സരത്തില്‍ ന്യൂസിലന്‍ഡിനെതിരെ ഇന്ത്യക്ക് മികച്ച സ്‌കോര്‍. ആദ്യം ബാറ്റ് ചെയ്ത ഇന്ത്യ നിശ്ചിത 50 ഓവറില്‍ 8 വിക്കറ്റ് നഷ്ടത്തില്‍ 295 റണ്‍സെടുത്തു. മുഷീര്‍ ഖാന്‍ സെഞ്ച്വറി നേടി.
ആദര്‍ശ് സിംഗ് 52 റണ്‍സ് നേടി . ന്യൂസിലന്‍ഡിനായി മേസന്‍ ക്ലാര്‍ക്ക് നാല് വിക്കറ്റ് വീഴ്‌ത്തി
അര്‍ഷിന്‍ കുല്‍ക്കര്‍ണി (9) പെട്ടെന്ന് പുറത്തായി.എന്നാല്‍ രണ്ടാം വിക്കറ്റില്‍ ആദര്‍ശ് സിംഗും മുഷീര്‍ ഖാനും ചേര്‍ന്ന് ഇന്ത്യയെ മുന്നോട്ടു കൊണ്ടു പോയി. സഖ്യം 77 റണ്‍സിന്റെ കൂട്ടുകെട്ടാണ് പടുത്തുയര്‍ത്തിയത്.
മൂന്നാം വിക്കറ്റില്‍ ക്യാപ്റ്റന്‍ ഉദയ് സഹാറനൊപ്പം ചേര്‍ന്ന മുഷീര്‍ വീണ്ടും ഇന്ത്യയെ മുന്നോട്ട് നയിച്ചു.സഖ്യം 87 റണ്‍സിന്റെ കൂട്ടുകെട്ട് നേടി.സഹാറന്‍ 34 റണ്‍സ് നേടി പുറത്തായി.
ആരവല്ലി അവനീഷ് 17റണ്‍സും പ്രിയാന്‍ഷു മോളിയ പത്ത് റണ്‍സും നേടി. മുഷീര്‍ 126 പന്തില്‍ 131 റണ്‍സ് നേടി പുറത്താവുകയായിരുന്നു.
മറുപടി ബാറ്റിംഗില്‍ ന്യൂസിലന്‍ഡിന് തകര്‍ച്ച. 15 ഓവറില്‍ 43 റണ്‍സിന് അഞ്ച് വിക്കറ്റ് എന്ന നിലയിലാണ്.
പ്രതികരിക്കാൻ ഇവിടെ എഴുതുക