ജെയ്പൂർ: ലോക്‌സഭാ തെരഞ്ഞെടുപ്പിൽ രാജസ്ഥാനിൽ ബിജെപി മത്സരിക്കുന്ന 25 സീറ്റുകളിലും വൻ ഭൂരിപക്ഷത്തോടെ വിജയം കൈവരിക്കുമെന്ന് പാർട്ടിയുടെ ദേശീയ വക്താവും രാജ്യസഭാ എംപിയുമായ സുധാംശു ത്രിവേദി. ലോക്‌സഭാ തെരഞ്ഞെടുപ്പിന് മുന്നോടിയായി ജെയ്പൂരിലെ പാർട്ടി ആസ്ഥാനത്ത് നടന്ന മീഡിയ വർക്ക് ഷോപ്പിൽ പങ്കെടുത്ത് സംസാരിക്കുകയായിരുന്നു അദ്ദേഹം.
ഭാരതത്തിന്റെയും പ്രധാനമന്ത്രി നരേന്ദ്ര മോദിയുടെയും പ്രശസ്തി ആഗോള തലത്തിൽ ഉയർന്ന് കൊണ്ടിരിക്കുകയാണ്. ഇന്ന് രാജ്യത്തെ പൗരൻമാർ മാനസിക അടിമത്വത്തിൽ നിന്ന് മോചനം നേടി. പ്രധാനമന്ത്രി നരേന്ദ്രമോദി ഈ കാലഘട്ടത്തെ അമൃതകാൽ എന്നാണ് വിശേഷിപ്പിക്കുന്നതെന്ന് സുധാംശു പറഞ്ഞു.
കൂടാതെ സാമ്പത്തിക വളർച്ചയിൽ ഭാരതം ഏറെ മുന്നിലേക്ക് കടന്നിട്ടുണ്ട്. തനിക്കുറപ്പുണ്ട് മൂന്നാമത്തെ തവണയും ബിജെപി കേന്ദ്രത്തിൽ അധികാരത്തിൽ വരുമെന്ന്. രാജസ്ഥാനിലും മത്സരിക്കുന്ന 25 മണ്ഡലങ്ങളിലും ബിജെപി ഭൂരിപക്ഷത്തോടെ വിജയിക്കുമെന്ന് തനിക്ക് വിശ്വാസമുണ്ടെന്നും അദ്ദേഹം കുട്ടിച്ചേർത്തു.
ഇതിനു പുറമെ പാർട്ടി ഏൽപ്പിച്ച ഉത്തരവാദിത്വം പ്രവർത്തകർ ഏറ്റെടുക്കണമെന്നും ബിജെപിയെ വിജയിപ്പിക്കാൻ ഏവരും അക്ഷീണം പ്രയത്നിക്കണമെന്നും രാജസ്ഥാൻ മുഖ്യമന്ത്രി ഭജ്ഞൻലാൽ ശർമ പറഞ്ഞു. കൂടാതെ പ്രധാനമന്ത്രി നടത്തിയ ചരിത്രപരമായ തീരുമാനങ്ങളും പദ്ധതികളും സാധാരണക്കാരിലേക്ക് എത്തിക്കാൻ ശ്രമിക്കുമെന്ന് രാജസ്ഥാൻ ബിജെപി അധ്യക്ഷൻ സി.പി. ജോഷി വ്യക്തമാക്കി.
പ്രതികരിക്കാൻ ഇവിടെ എഴുതുക: