തിരുവനന്തപുരം : നെടുമങ്ങാട് സത്രം ജംഗ്ഷനിലെ അമ്യത ജ്വല്ലറിയില്‍ നടന്ന മോഷണത്തില്‍ 25 പവന്‍ സ്വര്‍ണവും വെള്ളിയും നഷ്ടപ്പെട്ടു. മുഖം മൂടി ധരിച്ച രണ്ട് പേരാണ് മോഷണം നടത്തിയതെന്നാണ് പ്രാഥമിക വിവരം
തിങ്കളാഴ്ച രാവിലെ ഒന്‍പത് മണിയോടെ ജ്വല്ലറി ഉടമ സ്ഥാപനം തുറക്കാനെത്തിയപ്പോഴാണ് മോഷണ വിവരമറിഞ്ഞത്. കടയുടെ ഷട്ടറിന്റെ പൂട്ട് മുറിച്ചുമാറ്റിയ നിലയിലായിരുന്നു. സ്വര്‍ണവും പണവുമിരിക്കുന്ന ലോക്കര്‍ തുറന്നാണ് മോഷണം നടത്തിയിരിക്കുന്നത്. ലോക്കറിന് സമീപം ഉണ്ടായിരുന്ന താക്കോല്‍ ഉപയോഗിച്ചാണ് ലോക്കറിലെ സ്വര്‍ണം അപഹരിച്ചത്.
പിന്നീട് കടയിലെ വെള്ളിയും മോഷ്ടിച്ചു. ഇതിന് ശേഷം തറയില്‍ മുളക് പൊടി വിതറിയിരുന്നു. സംഭവത്തില്‍ നെടുമങ്ങാട് പൊലീസ് കേസെടുത്തു. കടയിലെ സിസിടിവി ദ്യശ്യങ്ങള്‍ പരിശോധിച്ച് വരികയാണ്.
പ്രതികരിക്കാൻ ഇവിടെ എഴുതുക: