വിശദവിവരങ്ങള് www.npcilcareers.co.in ല്
ഓണ്ലൈന് അപേക്ഷ ഫെബ്രുവരി 14 വരെ
കേന്ദ്ര പൊതുമേഖലാ സ്ഥാപനമായ ന്യൂക്ലിയര് പവര് കോര്പ്പറേഷന് ഓഫ് ഇന്ത്യ ലിമിറ്റഡ് റാവത്ഭട്ട രാജസ്ഥാന് സൈറ്റിലേക്ക് സ്റ്റൈപന്ററി ട്രെയിനി/സയന്റിഫിക് അസിസ്റ്റന്റ് തസ്തികയില് നിയമനത്തിന് അപേക്ഷകള് ക്ഷണിച്ചു. ആകെ 53 ഒഴിവുകളുണ്ട്. മെക്കാനിക്കല് (ഒഴിവുകള് 25), ഇലക്ട്രിക്കല് (12) ഇലക്ട്രോണിക്സ് (12) എന്ജിനീയറിങ് ഡിപ്ലോമക്കാര്ക്കും ബിഎസ്സി (ഫിസിക്സ്) (4) ബിരുദക്കാര്ക്കുമാണ് അവസരം. എസ്സി/എസ്ടി/ഒബിസി-എന്സിഎല്/ഇഡബ്ല്യുഎസ് വിഭാഗങ്ങളില്പ്പെടുന്നവര്ക്ക് സംവരണമുണ്ട്. ജനറല് വിഭാഗത്തില് 21 ഒഴിവുകളില് നിയമനം ലഭിക്കും.
യോഗ്യതാ പരീക്ഷയ്ക്ക് (എന്ജിനീയറിങ് ഡിപ്ലോമ/ബിഎസ്സി ഫിസിക്സ്) 60 ശതമാനം മാര്ക്കില് കുറയാതെ നേടിയിരിക്കണം. പ്രായപരിധി 18-25 വയസ്സ്. വിശദവിവരങ്ങളടങ്ങിയ വിജ്ഞാപനം www.npcilcareers.co.in ല് ലഭിക്കും. ഓണ്ലൈനായി ഫെബ്രുവരി 14 വരെ അപേക്ഷിക്കാം. തിരഞ്ഞെടുക്കപ്പെടുന്നവര്ക്ക് പ്രതിമാസം 35400 രൂപ ശമ്പളം ലഭിക്കും.
