വാഷിങ്ടണ്: അമേരിക്കന് പ്രസിഡന്റ് തിരഞ്ഞെടുപ്പില് റിപ്പബ്ലിക്കന് പാര്ട്ടിയുടെ സ്ഥാനാര്ത്ഥിത്വം ഉറപ്പിച്ച് ഡൊണള്ഡ് ട്രംപ്. ന്യൂഹാംഷെയര് പ്രൈമറി തിരഞ്ഞെടുപ്പില് മുന് പ്രസിഡന്റ് കൂടിയായ ഡൊണാള്ഡ് ട്രംപ് വിജയം കൈവരിച്ചു. ഈ ജയത്തോടെ ഡൊണാള്ഡ് ട്രംപ് തന്നെ അമേരിക്കന് പ്രസിഡന്റ് സ്ഥാനാര്ത്ഥിയാകും.
അതേ സമയം ഇന്ത്യൻ വംശജ നിക്കി ഹേലിക്ക് പ്രസിഡന്റോ വൈസ് പ്രസിഡന്റോ ആകാനുളള യോഗ്യത പോരെന്നായിരുന്നു ഡൊണാള്ഡ് ട്രംപിന്റെ വിമര്ശനം. കൂടാതെ സ്ഥാനാര്ത്ഥിത്വ പ്രതീക്ഷകള് സജീവമായി നിലനിര്ത്തിയ നിക്കി ഹേലി 46 ശതമാനത്തിലധികം വോട്ടുകള് നേടി. എന്നാൽ സൗത്ത് കാരോലിനയിലെ മുന് ഗവര്ണര് കൂടിയായ നിക്കി ഹേലിയുടെ മാതാപിതാക്കള് വിദേശികളായതു കൊണ്ട് യുഎസ് പ്രസിഡന്റാകാന് അവര്ക്കു യോഗ്യതയില്ലെന്നും ട്രംപ് ആരോപിച്ചു.
എഡിസണ് റിസര്ച്ച് അനുസരിച്ച് ട്രംപിന് 52.3 ശതമാനം വോട്ട് ലഭിച്ചതായി റോയിട്ടേഴ്സ് റിപ്പോര്ട്ട് ചെയ്തു. പ്രചരണത്തിന് ഇറങ്ങിയില്ലെങ്കിലും ജോ ബൈഡന്റെ ഡെമോക്രാറ്റിക് പാര്ട്ടി ന്യൂഹാംഷെയറില് വിജയിച്ചു.
ഇന്ത്യന് വംശജന് വിവേക് രാമസ്വാമി, ഫ്ളോറിഡ ഗവര്ണര് റോണ് ഡി സാന്റിസ് എന്നിവര് പ്രസിഡന്റ് സ്ഥാനാര്ത്ഥി പോരാട്ടത്തില് നിന്ന് പിന്മാറിയിരുന്നു. ഇരുവരും ഡൊണള്ഡ് ട്രംപിന് പിന്തുണ പ്രഖ്യാപിച്ചിട്ടുണ്ട്.
