മെല്ബണ്: പുരുഷ ഡബിള്സ് ടെന്നീസ് റാങ്കിംഗില് ഒന്നാമതെത്തുന്ന ഏറ്റവും പ്രായംകൂടിയ താരമെന്ന ചരിത്ര നേട്ടത്തിനുടമയായി രോഹന് ബൊപ്പണ്ണ. 43-ാം വയസിലാണ് താരം നേട്ടം സ്വന്തമാക്കിയത്.
ഓസ്ട്രേലിയന് ഓപ്പണ് ടെന്നിസ് സെമി ഫൈനലില് എത്തിയതോടെയാണ് രോഹന് ബൊപ്പണ്ണ ഈ നേട്ടത്തിനുടമയായത്. കരിയറില് ആദ്യമായാണ് ടെന്നിസ് ലോക റാങ്കിംഗില് രോഹന് ബൊപ്പെണ്ണ ഒന്നാം സ്ഥാനത്തെത്തുന്നത്.
ബുധനാഴ്ച ക്വാര്ട്ടര് ഫൈനലില് അര്ജന്റീനയുടെ മാക്സിമോ ഗോണ്സാലസ് ആന്ദ്രേസ് മോള്ട്ടെനി സഖ്യത്തെ പരാജയപ്പെടുത്തിയാണ് (6-4, 7-6 (5) ബൊപ്പണ്ണ- എബ്ഡെന് സഖ്യം സെമിയില് പ്രവേശിച്ചത്. പുതിയ ഡബിള്സ് റാങ്കിംഗില് ഓസ്ട്രേലിന് താരം മാത്യു എബ്ഡെന് രണ്ടാം സ്ഥാനത്തെത്തി. ഓസ്ട്രലിയന് ഓപ്പണ് വിജയിച്ചാല് ബൊപ്പണ്ണയ്ക്ക് കരിയറില് ആദ്യമായി ഗ്രാന്ഡ്സ്ലാം കിരീടം നേടാം.
