പൂച്ചാക്കല്‍: തൈക്കാട്ടുശ്ശേരി നടുഭാഗം എംഡിയുപി സ്‌കൂളില്‍ സാമൂഹ്യ ദ്രോഹികള്‍ ആക്രമണം നടത്തിയതില്‍ ശ്രീഭദ്ര സ്വയം സഹായ സമിതി പ്രതിഷേധിച്ചു. ലാബിലും ഓഫീസിലുമുള്ള ഉപകരണങ്ങള്‍ അക്രമികള്‍ തല്ലിത്തകര്‍ത്തിരുന്നു.
ഈ വിദ്യാഭ്യാസ വര്‍ഷം രണ്ടാം തവണയാണ് സാമൂഹ്യ വിരുദ്ധര്‍ അഴിഞ്ഞാടുന്നത്. ഏകദേശം ഒരു ലക്ഷം രൂപയുടെ നഷ്ടമാണ് വരുത്തിയത്. പ്രതികളെ കണ്ടെത്തി മാതൃകപരമായി ശിക്ഷിക്കണമെന്ന് ആവശ്യപ്പെട്ട് പോലീസില്‍ പരാതി നല്‍കി.
പ്രസിഡന്റ് കെ.എന്‍ രാധാകൃഷ്ണന്റെ അദ്ധ്യക്ഷതയില്‍ കൂടിയ യോഗം രക്ഷാധികാരി കെ. ആര്‍ അപ്പുക്കുട്ടന്‍ നായര്‍ ഉദ്ഘാടനം ചെയ്തു. വൈ: പ്രസിഡന്റ് ഷണ്‍മുഖന്‍ നായര്‍, സെക്രട്ടറി ചന്ദ്രശേഖരന്‍ നായര്‍, ജോ. സെക്രട്ടറി മനോജ് സൗപര്‍ണ്ണിക, സുദര്‍ശനന്‍ മാധവപ്പള്ളില്‍, വി.പി ജയചന്ദ്രന്‍, സന്തോഷ് എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: