മലപ്പുറം : മലപ്പുറത്ത് മദ്യപിച്ച് വാഹനമോടിച്ച് അപകടമുണ്ടാക്കിയ എസ്‌ഐയെ നാട്ടുകാര്‍ പിടികൂടി. ചൊവ്വാഴ്ച രാത്രിയാണ് മങ്കട സ്റ്റേഷന്‍ പരിധിയിലാണ് സംഭവം മലപ്പുറം സ്റ്റേഷനിലെ എഎസ്‌ഐ ഗോപി മോഹനനാണ് മദ്യപിച്ച് വാഹനം ഓടിച്ചശേഷം അപകടമുണ്ടാക്കിയത്.
മദ്യലഹരിയില്‍ പോലീസ് വാഹനം ഓടിച്ച എഎസ്‌ഐയുടെ വാഹനം യുവാക്കള്‍ സഞ്ചരിച്ച കാറിനെ ഇടിച്ചശേഷം നിര്‍ത്താതെ പോവുകയായിരുന്നു. തുടര്‍ന്ന് ഒരു ബൈക്ക് യാത്രികനെ ഇടിക്കാന്‍ പോയെങ്കിലും ഇയാള്‍ വാഹനം വെട്ടിച്ച് രക്ഷപ്പെടുകയായിരുന്നു. രക്ഷപ്പെട്ട ഇയാള്‍ പോലീസ് വാഹനത്തെ പിന്തുടര്‍ന്ന് എത്തുകയും നാട്ടുകാരുടെ സഹായത്തോടെ തടഞ്ഞു നിര്‍ത്തുകയുമായിരുന്നു.
നാട്ടുകാരുമായി എഎസ്‌ഐ തര്‍ക്കത്തിലേര്‍പ്പെടുന്നത് വീഡിയോ ദൃശ്യങ്ങളള്‍ പുറത്തുവന്നിട്ടുണ്ട്. പോലീസ് സ്ഥലത്തെത്തുമ്പോള്‍ മദ്യപിച്ച് ബോധമില്ലാത്ത അവസ്ഥയിലായിരുന്നു ഗോപിമോഹന്‍. മങ്കട പോലീസാണ് ഇയാളെ കസ്റ്റഡിയിലെടുത്തത്.
പ്രതികരിക്കാൻ ഇവിടെ എഴുതുക: