അയോധ്യ : അയോധ്യയിലെ ശ്രീരാമ ക്ഷേത്രത്തിലെ പ്രാണ പ്രതിഷ്ഠാ ചടങ്ങിൽ പങ്കെടുക്കാൻ നിരവധി പ്രമുഖർ എത്തിയിരുന്നു . അവരിൽ എടുത്തു പറയേണ്ട രണ്ട് വ്യക്തിത്വങ്ങളായിരുന്നു ക്രിക്കറ്റ് ദൈവം എന്ന് ആരാധകർ വാഴ്‌ത്തിപ്പാടുന്ന സച്ചിൻ തെണ്ടുൽക്കറും ആരാധകർക്ക് തലൈവറുമായ സൂപ്പർ സ്റ്റാർ രജനികാന്തും. ഇരുവരുടെയും സൗഹൃദത്തിനും അയോധ്യ വേദിയായി. രണ്ട് പേരുടെയും ചിത്രങ്ങളും വീഡിയോയും സോഷ്യൽ മീഡിയയിൽ വൈറലാണ്.
പ്രാണപ്രതിഷ്ഠാ ചടങ്ങ് തുടങ്ങാനിരിക്കെ സച്ചിൻ രജനികാന്തിന്റെ അടുത്തു ചെന്ന് സഹൃദം പുതുക്കുകയും വീഡിയോ ചിത്രീകരിക്കുകയും ചെയ്തു. ഇത് സച്ചിൻ തന്റെ എക്സ് അക്കൗണ്ടിൽ പോസ്റ്റ് ചെയ്തു. നിരവധി പേരാണ് നിമിഷ നേരം കൊണ്ട് ഇത് കാണുകയും കമൻ്റുകൾ ഇടുകയും ചെയ്തത്.
പുതിയ ശ്രീരാമന്റെ ക്ഷേത്രത്തിൽ സന്ദർശനം നടത്താനായതിൽ ഏറെ സന്തോഷിക്കുന്നു. ക്ഷേത്രത്തിന്റെ വാസ്തുവിദ്യ ഇവിടെ വരുന്ന ആരെയും അദ്ഭുതപ്പെടുത്തുമെന്നതിൽ സംശയമില്ലെന്ന് സച്ചിൻ ട്വിറ്ററിൽ കുറിച്ചു.
പ്രതികരിക്കാൻ ഇവിടെ എഴുതുക: