തൃശൂര്: വാഹനാപകടത്തില് മലക്കപ്പാറ പൊലീസ് സ്റ്റേഷനിലെ സീനിയര് സിവില് പോലീസ് ഓഫീസര് മരിച്ചു. സീനിയര് സിവില് പോലീസ് ഓഫീസര് വിത്സന് (40) ആണ് മരിച്ചത്. കൊല്ലം മുളവന കാഞ്ഞിരക്കോട് കാഞ്ഞിരവിള തെക്കേതില് യേശുദാസിന്റെ മകനാണ്.
ചൊവ്വാഴ്ച ഷോളയാര് പവര്ഹൗസിന് സമീപമുള്ള വളവില് വച്ചായിരുന്നു അപകടം. മുക്കുംപുഴ ഭാഗത്ത് കേസന്വേഷണത്തിനായി ബൈക്കില് പോകവെയാണ് അപകടമുണ്ടായത്. മലക്കപ്പാറ തേയില കമ്പനിയിലേക്ക് ചാലക്കുടി ഭാഗത്ത് നിന്നും വിറക് കയറ്റി വരികയായിരുന്ന ലോറിയാണ് ബെക്കില് ഇടിച്ചത്. ഗുരുതരമായി പരിക്കേറ്റ വിത്സനെ പൊലീസ് ജീപ്പില് ചാലക്കുടി സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചു.
മൃതദേഹം ഇരിങ്ങാലക്കുട റൂറല് എസ്.പി. ഓഫീസിലും ചാലക്കുടി ഡിവൈ.എസ്.പി. ഓഫീസിലും പൊതുദര്ശനത്തിന് വച്ച ശേഷം സ്വദേശത്തേക്ക് കൊണ്ടുപോയി. ബുധന് വൈകിട്ട് മൂന്നിന് സംസ്കാരം നടക്കും. ഭാര്യ: ജെസ്ല. മക്കള്: ദിയ, അഹാന.
