Categories: Kerala

സാബു എം ജേക്കബ് ജാതീയമായി അധിക്ഷേപിച്ചെന്ന് ശ്രീനിജന്റെ പരാതി

മനുഷ്യനും മൃഗവുമല്ലാത്ത ഒരു ജന്തുവിന് കുന്നത്തുനാട്ടുകാര്‍ ജന്മം കൊടുത്തു

Published by

എറണാകുളം : ട്വന്റി20 ചീഫ് കോര്‍ഡിനേറ്ററും കിറ്റെക്‌സ് കമ്പനി ഉടമയുമായ സാബു എം ജേക്കബ് ജാതീയമായി അധിക്ഷേപിച്ചെന്ന് എം എല്‍ എയുടെ പരാതി. കുന്നത്തുനാട് എംഎല്‍എ പി.വി.ശ്രീനിജനാണ് പുത്തന്‍കുരിശ് ഡി.വൈ.എസ്.പിക്ക് പരാതി നല്‍കിയത്.

പട്ടികജാതി പീഡന നിരോധന നിയമം അനുസരിച്ച് കേസെടുക്കണമെന്നാണ് ആവശ്യം. ട്വന്റി 20 സമ്മേളനത്തില്‍ പ്രസംഗിക്കവെ ജാതീയമായും വംശീയമായും അധിക്ഷേപിച്ചെന്നാണ് പി.വി ശ്രീനിജന്‍ പരാതി നല്‍കിയത്. പരാതി പരിശോധിച്ചു വരികയാണെന്ന് പൊലീസ് അറിയിച്ചു.

കോലഞ്ചേരിയില്‍ ഈ മാസം 21ന് നടന്ന ട്വന്റി20 മഹാസമ്മേളനത്തിലാണ് ശ്രീനിജിനെ സാബു എം ജേക്കബ് അവഹേളിച്ചതെന്നാണ് പരാതി. ‘മനുഷ്യനും മൃഗവുമല്ലാത്ത ഒരു ജന്തുവിന് കുന്നത്തുനാട്ടുകാര്‍ ജന്മം കൊടുത്തു. എല്ലാ ദിവസവും പൗഡറുമിട്ട് മീറ്റിംഗുണ്ടോ മീറ്റിംഗുണ്ടോ എന്ന് അന്വേഷിച്ച് ഇറങ്ങും’- എന്നാണ് സാബു എം ജേക്കബ് പറഞ്ഞത്.

 

Share
Janmabhumi Online

Online Editor @ Janmabhumi

പ്രതികരിക്കാൻ ഇവിടെ എഴുതുക
Published by