ദ്രാവിഡപ്പാര്ട്ടികളുടെ മേധാവിത്വമുള്ള തമിഴ്നാട്ടില് നിന്നും രജനീകാന്തല്ലാതെ സിനിമാമേഖലയില് നിന്നും ബിജെപിയ്ക്ക് ആകര്ഷിക്കാന് കഴിഞ്ഞ ഒരു പ്രധാനതാരം ഖുശ്ബുവാണ്. അതിനിടെ തമിഴ്നാടിനെ മുഴുവന് ഞെട്ടിച്ചുകൊണ്ട് തിങ്കളാഴ്ച അയോധ്യയിലെ പ്രാണപ്രതിഷ്ഠയ്ക്ക് പങ്കെടുക്കാന് നടന് ധനുഷും എത്തി.
#WATCH | Actor Dhanush attended the Ayodhya Ram Temple 'Pran Pratishtha' ceremony today pic.twitter.com/r1B7UdVLBp
— ANI (@ANI) January 22, 2024
വാര്ത്താ ഏജന്സിയാണ് ധനുഷിന്റെ വീഡിയോ പങ്കുവെച്ചത്. അതുവരെ ധനുഷിന്റെ പിന്ഭാഗം മാത്രമാണ് വീഡിയോയില് കാണാന് സാധിക്കുക. സദസ്സിനെ നിയന്ത്രിക്കുന്ന യുപി പൊലീസുകാര് ധനുഷിനോട് ചോദ്യങ്ങള് ചോദിക്കുന്നതിനിടയില് സദസ്സിന്റെ മറ്റൊരു ഭാഗത്ത് നിന്നും ആരോ ധനുഷ് സാര് എന്ന് വിളിക്കുന്നത് കേള്ക്കാം. അപ്പോഴാണ് തിരിയുന്ന യുവാവിന്റെ മുഖം നമുക്ക് കാണാന് കഴിയുക.
അയോധ്യയില് രജനീകാന്തും എത്തിയിരുന്നു. താന് ഇനി എല്ലാവര്ഷവും അയോധ്യയില് വരും എന്ന് രജനീകാന്ത് പ്രതികരിച്ചിരുന്നു. എന്നാല് ധനുഷിന്റെ പ്രതികരണം ഇതുവരെയും പുറത്തുവന്നിട്ടില്ല. അയോധ്യയിലെ ക്ഷേത്രട്രസ്റ്റിന്റെ പ്രത്യേക ക്ഷണപ്രകാരമാണ് ധനുഷ് എത്തിയത്. എന്തായാലും രാഷ്ട്രീയ നിരീക്ഷകരെ ആശയക്കുഴപ്പത്തിലാക്കുന്ന സംഭവമായിരുന്നു അയോധ്യയിലെ ധനുഷിന്റെ സന്ദര്ശനം.
