തിരുവനന്തപുരം: ജയിന്റ്സ് വെല്ഫെയര് ഫൗണ്ടേഷന് 48-ാമത് ഇന്റര്നാഷണല് കണ്വെന്ഷന് നാളെ മുതല് 21 വരെ നേമം അല്സാജ്ക ണ്വെന്ഷന്സെന്ററില്നടക്കുമെന്ന്കണ്വെന്ഷന്ചെയര്മാന്കെ.നന്ദകുമാര് വാര്ത്താസമ്മേളനത്തില്അറിയിച്ചു.
19 ന് സാംസ്കാരിക പരിപാടികള് വിഴിഞ്ഞം പോര്ട്ട് എം.ഡി ദിവ്യ എസ്.അയ്യര് ഉദ്ഘാടനം ചെയ്യും. 20 ന് ഔദ്യോഗിക ഉദ്ഘാടനം ഗോവ ഗവര്ണര് പി.എസ്. ശ്രീധരന്പിള്ള നിര്വഹിക്കും. തിരുവിതാംകൂര് രാജകുടുംബാംഗം അശ്വതി തിരുനാള് ഗൗരി ലക്ഷ്മി ഭായി മുഖ്യാതിഥിയാകും. മുന് ചീഫ് സെക്രട്ടറി ജിജി തോംസണ് അവാര്ഡുകള് വിതരണം ചെയ്യും.
21 ന് സമാപന സമ്മേളനം മുന് മുഖ്യ വിവരാവകാശ കമ്മിഷണര് വിന്സണ് എം. പോള് ഉദ്ഘാടനം ചെയ്യും. മൂന്ന് ദിവസ പരിപാടിയില് വേള്ഡ് ചെയര്പേഴ്സണ് ഷൈന എന്.സി. അദ്ധ്യക്ഷയാകും.കണ്വെന്ഷന് സെക്രട്ടറി എ. കണ്ണദാസ്, വൈസ് ചെയര്മാന് വി.കൃഷ്ണകുമാര്,ട്രിവാന്ഡ്രം ജയിന്റ്സ് ഗ്രൂപ്പ് പ്രസിഡന്റ് ജെയിംസ് പത്രോസ് എന്നിവര് വാര്ത്താസമ്മേളനത്തില് പങ്കെടുത്തു.
