ബെംഗളൂരു: അയോധ്യയിലെ രാമക്ഷേത്ര പ്രതിഷ്ഠാ ചടങ്ങ് നടക്കുന്നതിന്റെ ഭാഗമായി പ്രസവ ശസ്ത്രക്രിയകള് സൗജന്യമായി നടത്തുമെന്ന് പ്രഖ്യാപിച്ച് കര്ണാടകയിലെ ആശുപത്രി.
വിജയപുര ജില്ലയിലെ സ്വകാര്യ ആശുപത്രിയാണ് പ്രഖ്യാപനംനടത്തിയിരിക്കുന്നത്. ജെഎസ്എസ് സൂപ്പര് സ്പെഷ്യാലിറ്റി ഹോസ്പിറ്റല് നടത്തുന്ന ശ്രീ സിദ്ധേശ്വര് ലോക കല്യാണ ചാരിറ്റിള് ട്രസ്റ്റ് ആണ് തീരുമാനം പ്രഖ്യാപിച്ചത്. ജനുവരി 18 മുതല് ജനുവരി 22 വരെയുള്ള മുഴുവന് പ്രസവങ്ങളും, ഇതുമായി ബന്ധപ്പെട്ട ശസ്ത്രക്രിയകളും സൗജന്യമായി നടത്തുമെന്ന് ആശുപത്രി അധികൃതര് അറിയിച്ചു.
ആശുപത്രിയില് മുന്കൂട്ടി രജിസ്റ്റര് ചെയ്ത ഗര്ഭിണികള്ക്കാണ് ഈ ആനുകൂല്യം ലഭിക്കുക. എന്നാല് എമര്ജന്സി കേസുകള് വന്നാല് അവയും സൗജന്യമായി നടത്തുമെന്ന് ആശുപത്രി അധികൃതര് അറിയിച്ചു. ആശുപത്രി മാനേജ്മെന്റ് തീരുമാനത്തെ മുഖ്യമന്ത്രി ഉള്പ്പെടെ നിരവധി പേര് പ്രശംസിച്ചു. ഇത്തരം പദ്ധതികള് ഭാവിയിലും നടപ്പാക്കണമെന്ന് മുഖ്യമന്ത്രി സിദ്ധരാമയ്യ ആശുപത്രി ട്രസ്റ്റിനോട് നിര്ദേശിച്ചു.
