കൊച്ചി: പെരുമ്പാവൂർ സ്കൂൾ ബസ് അപകടത്തിൽ നടപടിയുമായി എംവിഡി. അലക്ഷ്യമായി ബസ് ഓടിച്ച ബസ് ഡ്രൈവർ ഉമ്മറിന്റെ ലൈസൻസ് ആണ് റദ്ദ് ചെയ്തത്. പെരുമ്പാവൂരിലെ മെക്ക സ്കൂളിലെ നാലാം ക്ലാസ് വിദ്യാർത്ഥി സ്കൂൾ ബസിനടിയിൽപ്പെട്ട സംഭവത്തിലാണ് നടപടി. ജനുവരി 12-നായിരുന്നു കേസിനാസ്പദമായ സംഭവം.
സ്കൂൾ ബസിൽ നിന്നും ഇറങ്ങി സഹോദരിയ്ക്കൊപ്പം ബസിന്റെ മുന്നിലൂടെ പോകവെയായിരുന്നു അപകടം. സ്കൂൾ ബസ് ഡ്രൈവറായ ഉമ്മർ അലക്ഷ്യമായി വാഹനം മുന്നോട്ടെടുത്തപ്പോഴായാണ് കുട്ടി അപകടത്തിൽപ്പെട്ടത്. ബസിന്റെ ഇരുചക്രങ്ങൾക്കും ഇടയിൽപ്പെട്ടതിനാൽ പെൺകുട്ടി പരിക്കേൽക്കാതെ രക്ഷപ്പെടുകയായിരുന്നു.
