കോഴിക്കോട്: ഏഴാമത് പുരുഷ – വനിത സീനിയര്‍ ദേശിയ ആട്യ പാട്യ ഫെഡറേഷന്‍ കപ്പ് ഫെഡറേഷന്‍ ചാമ്പ്യന്‍ഷിപ്പില്‍ പുരുഷ – വനിത വിഭാഗങ്ങളിലായി പോണ്ടിച്ചേരി ചാമ്പ്യന്മാരായി.
ആതിഥേയരായ കേരളത്തെ ഒന്നിനെതിരെ രണ്ട് സെറ്റുകള്‍ക്ക് തോല്‍പ്പിച്ചാണ് ഇരു വിഭാഗത്തിലും പോണ്ടിച്ചേരി ജേതാക്കളായത്. ഇതോടെ കേരളം ചാമ്പ്യന്‍ഷിപ്പിന്റെ റണ്ണറപ്പുകളായി. ബെസ്റ്റ് പ്ലെയര്‍സായി അനു ഭായ്, എന്‍ സഞ്ജയ് (ഇരുവരും പോണ്ടിച്ചേരി ) എന്നിവര്‍ തിരഞ്ഞെടുക്കപ്പെട്ടു. ഇന്‍ഡോര്‍ സ്റ്റേഡിയത്തില്‍ നടന്ന സമാപന ചടങ്ങില്‍ ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി പ്രപു പ്രേംനാഥ് ട്രോഫികള്‍ വിതരണം ചെയ്തു.
എട്ട് സംസ്ഥാനങ്ങളില്‍ നിന്നായി ആറ് വനിതാ ടീമുകളും എട്ട് പുരുഷ ടീമുമായി 250 ഓളം മത്സരാര്‍ത്ഥികളാണ് രണ്ട് ദിവസങ്ങളിലായി മാറ്റുരച്ചത്.
പ്രതികരിക്കാൻ ഇവിടെ എഴുതുക: