ന്യൂദല്‍ഹി : അയോധ്യ ശ്രീരാമക്ഷേത്ര പ്രതിഷ്ഠാ ദിനത്തില്‍ ബാങ്കുകള്‍ക്കും ഉച്ചവരെ അവധി പ്രഖ്യാപിച്ചു. പ്രതിഷ്ഠാ ദിനമായ 22ന് എല്ലാ പൊതുമേഖലാ ബാങ്കുകള്‍ക്കും ഇന്‍ഷുറന്‍സ് കമ്പനികള്‍ക്കും ഉച്ചയ്‌ക്ക് 2.30 വരെയാണ് അവധി . ഉച്ചക്ക് 12.20 മുതല്‍ പന്ത്രണ്ടര വരെയാണ് പ്രതിഷ്ഠാ ദിന ചടങ്ങ്.
കേന്ദ്രസര്‍ക്കാര്‍ ജീവനക്കാര്‍ക്ക് ഉച്ചയ്‌ക്ക് 2.30 വരെ അവധി പ്രഖ്യാപിച്ചിരുന്നു. അതിനിടെ പ്രതിഷ്ഠാ ദിനത്തില്‍ ആഘോഷങ്ങള്‍ സംഘടിപ്പിക്കുന്നത് സംബന്ധിച്ച് മന്ത്രിമാരില്‍ നിന്ന് പ്രധാനമന്ത്രി അഭിപ്രായം ആരാഞ്ഞു.വിളക്ക് വയ്‌ക്കുന്നതിനൊപ്പം അന്നദാനവും നടത്തണം.
പൊതു ജനങ്ങള്‍ക്കായി ക്ഷേത്രം തുറന്ന് നല്‍കുമ്പോള്‍ മണ്ഡലങ്ങളില്‍ നിന്ന് ഭക്തരെ അയോധ്യയിലേക്ക് കൊണ്ടുപോകണമെന്ന് പ്രധാനമന്ത്രി നിര്‍ദ്ദേശിച്ചു. അതിനിടെ സൈബര്‍ ആക്രമണ സാധ്യത മുന്നില്‍ നേരിടാനുളള നടപടികള്‍ ആഭ്യന്തര മന്ത്രാലയം സ്വീകരിച്ചിട്ടുണ്ട്. അയോധ്യയിലേക്ക് സൈബര്‍ വിദഗ്ധരടങ്ങുന്ന സംഘത്തെ അയച്ച് നിരീക്ഷിക്കാനാണ് നിര്‍ദ്ദേശം.
പ്രതിഷ്ഠാ ദിന സ്മരണിക സ്റ്റാമ്പ് സര്‍ക്കാര്‍ പുറത്തിറക്കി. രാമക്ഷേത്രം, സരയൂ നദി, ഹനുമാന്‍, ജഡായു തുടങ്ങി ആറ് ചിത്രങ്ങള്‍ സ്റ്റാമ്പുകളായി പ്രധാനമന്ത്രിയാണ് പുറത്തിറക്കിയത്.
പ്രതികരിക്കാൻ ഇവിടെ എഴുതുക: