തിരുവനന്തപുരം: അയോധ്യയില് ശ്രീരാമക്ഷേത്രത്തിലെ പ്രാണ പ്രതിഷ്ഠാ ചടങ്ങ് നടക്കുമ്പോള് കേരളത്തില് വൈദ്യുതി മുടങ്ങുമെന്ന പ്രചാരണം വ്യാജമെന്ന് മന്ത്രി കെ കൃഷ്ണന്കുട്ടി.പ്രതിഷ്ഠാ കര്മ്മം നടക്കുന്ന ജനുവരി 22ന് കേരളത്തില് വ്യാപകമായി വൈദ്യുതി മുടങ്ങും എന്ന് ഫേസ്ബുക്കില് മലയാളത്തിലും എക്സില് ഉത്തരേന്ത്യയിലും ശക്തമായ പ്രചാരണം ചില സാമൂഹ്യ വിരുദ്ധര് നടത്തുന്നുണ്ട്.
അയോധ്യ പ്രതിഷ്ഠാകര്മ്മം നടക്കുന്ന 2024 ജനുവരി 22ന് കേരളത്തില് വ്യാപകമായി വൈദ്യുതി മുടങ്ങും എന്ന പ്രചാരണം വ്യാജമാണ്. വ്യാജ പ്രചാരണങ്ങളില് വഞ്ചിതരാകരുതെന്നും മന്ത്രി ഫേസ്ബുക്കില് കുറിച്ചു.
ഇടുക്കി പവര്ഹൗസ് അറ്റകുറ്റ പണി നടത്തുന്നതിനാല് 22ന് വൈദ്യുതി മുടങ്ങുമെന്ന തരത്തിലാണ് വ്യാജ പോസ്റ്റുകള് പ്രചരിക്കുന്നത്. പ്രാണ പ്രതിഷ്ഠാ ചടങ്ങുകള് ലൈവ് ആയി ബിഗ് സ്ക്രീനില് കാണിക്കുന്നവര് ജനറേറ്റര് കൂടി കരുതണമെന്ന തരത്തിലുളള പോസ്റ്റുകള് വ്യാജമെന്ന് കാട്ടിയാണ് മന്ത്രി കൃഷ്ണന് കുട്ടിയുടെ പോസ്റ്റ്.
