പത്തനംതിട്ട: വിദ്യാര്ഥി ആത്മഹത്യക്ക് ശ്രമിച്ച കേസില് മലയാളം അധ്യാപികയ്ക്കെതിരെ കേസെടുത്ത് പൊലീസ്. തിരുവല്ല ഡയറ്റിലാണ് സംഭവം. അധ്യാപിക മിലിന ജെയിംസിന് എതിരെയാണ് പോലീസ് കേസടുത്തത്.
അധ്യാപിക മാനസികമായി പീഡിപ്പിച്ചു എന്നാണ് വിദ്യാര്ഥി മൊഴി നല്കിയത്.അധ്യാപികക്കെതിരെ വകുപ്പുതല നടപടി വേണമെന്ന് ആവശ്യമുയര്ത്തി എസ്എഫ്ഐ പ്രവര്ത്തകര് പ്രിന്സിപ്പലിനെ തടഞ്ഞുവച്ചു. അധ്യാപികയ്ക്കെതിരെ ഡി.ജി.ഇ യുടെ നടപടി ഉണ്ടാവുമെന്ന് ഉറപ്പ് ലഭിച്ചതോടെയാണ് എസ്എഫ്ഐ പ്രതിഷേധം അവസാനിപ്പിച്ചത്.പരീക്ഷയില് തോല്പ്പിക്കും എന്ന് ഭീഷണിപ്പെടുത്തിയത് ഉള്പ്പെടെ നിരവധി പരാതികളാണ് വിദ്യാര്ഥികള്ക്കുളളത്.
ഡി.എല്.എഡ് രണ്ടാം വര്ഷ വിദ്യാര്ഥിയാണ് ആത്മഹത്യക്ക് ശ്രമിച്ചെന്ന പരാതി ഉയര്ന്നത്. ഗുരുതരാവസ്ഥയിലുളള വിദ്യാര്ത്ഥിയെ തിരുവല്ലയിലെ സ്വകാര്യ ആശുപത്രിയില് തീവ്ര പരിചരണ വിഭാഗത്തില് പ്രവേശിപ്പിച്ചിരിക്കുകയാണ്.
