കോഴിക്കോട്: കടലിൽ ചാടി ജീവനൊടുക്കാൻ ശ്രമിച്ച കുറ്റ്യാടി സ്വദേശിനി വീട്ടമ്മയെയും മൂന്ന് മക്കളെയും രക്ഷിച്ച് പോലീസ്. കുറ്റ്യാടിയിലെയും കൊയിലാണ്ടിയിലെയും പോലീസ് ഉദ്യോഗസ്ഥരാണ് നാല് പേരെയും രക്ഷിച്ചത്. പാറപ്പള്ളിക്ക് സമീപമായിരുന്നു സംഭവം. മക്കളെയും കൂട്ടി കടലിൽ ചാടി ജീവനൊടുക്കാനുള്ള അമ്മയുടെ ശ്രമത്തിൽ നിന്നും പോലീസ് രക്ഷിക്കുകയായിരുന്നു.
കഴിഞ്ഞ ദിവസം വൈകുന്നേരമായിരുന്നു സംഭവം. സ്‌കൂളിൽ കൈക്കുഞ്ഞുമായി എത്തിയ അമ്മ മറ്റ് രണ്ട് കുട്ടികളെയും ബാഗ് എടുക്കാതെ വിളിച്ചുകൊണ്ട് പോകുകയായിരുന്നു. സംഭവത്തിൽ അസ്വഭാവികത തോന്നിയ അദ്ധ്യാപകർ വിവരം കുറ്റ്യാടി പോലീസ് സ്‌റ്റേഷനിൽ അറിയിച്ചു. പിന്നാലെ ഫോൺ ലൊക്കേഷൻ പരിശോധിച്ച ശേഷം അവിടെത്തി രക്ഷപ്പെടുത്തുകയായിരുന്നു.
പ്രതികരിക്കാൻ ഇവിടെ എഴുതുക