അയോദ്ധ്യ: അയോദ്ധ്യയിലെ പ്രാണപ്രതിഷ്ഠാ ചടങ്ങുകള്‍ നിര്‍ത്തണമെന്നാവശ്യപ്പെട്ട് അലഹബാദ് ഹൈക്കോടതിയില്‍ ഹര്‍ജി. യുപിയിലെ ഗാസിയാബാദ് സ്വദേശിയായ ബോലാദാസ് ആണ് ഹര്‍ജിക്കാരന്‍. ചടങ്ങുകള്‍ നിര്‍ത്തിവയ്‌ക്കാന്‍ ഉത്തരവിടണമെന്നും ക്ഷേത്രത്തിന്റെ പണി തീരാതെ ചടങ്ങുകള്‍ പാടില്ലെന്നും ഹര്‍ജിക്കാരന്‍ ആവശ്യപ്പെട്ടു.
ഹിന്ദു കലണ്ടര്‍ പ്രകാരം ഈ മാസം യാതൊരു വിധത്തിലുള്ള മതചടങ്ങുകളും പാടില്ല. ക്ഷേത്രത്തിന്റെ നിര്‍മാണം പൂര്‍ത്തിയായിട്ടില്ല. ശങ്കരാചാര്യന്മാര്‍ക്ക് ചടങ്ങില്‍ എതിര്‍പ്പുണ്ട്. ലോക്സഭാ തെരഞ്ഞെടുപ്പിന് മുന്നോടിയായി ബിജെപി രാഷ്‌ട്രീയ നേട്ടത്തിനായാണ് പരിപാടി നടത്തുന്നതെന്നും ഹര്‍ജിക്കാരന്‍ ആരോപിച്ചു. ബോലാദാസ് ആരെന്നതു സംബന്ധിച്ച വ്യക്തതയില്ല.
പ്രതികരിക്കാൻ ഇവിടെ എഴുതുക: